താങ്ക്‌സ് ഒക്കെ അവിടെ ഇരിക്കട്ടെ, പടത്തിന്റെ ടൈറ്റില്‍ എങ്കിലും ഇറക്കിവിടണം മിസ്റ്റര്‍; നിവിന് ഹനീഫ് അദേനിയുടെ മറുപടി
എന്റര്‍ടെയിന്‍മെന്റ് ഡെസ്‌ക്
Friday, 30th June 2023, 6:24 pm
നിവിന് പോളിയെ നായകനാക്കി ഹനീഫ് അദേനി തിരക്കഥയും സംവിധാനവും നിര്‍വഹിക്കുന്ന ‘#NP42’ ചിത്രത്തിന്റെ ടൈറ്റില്‍ അനൗണ്‍സ്‌മെന്റ് അടുത്ത ആഴ്ച.
ഹനീഫ് അദേനിക്ക് പിറന്നാള്‍ ആശംസകള്‍ നേര്‍ന്ന നിവിന് പോളിയുടെ പോസ്റ്റിന്റെ അതേ കമന്റ് ബോക്സില്‍ സംവിധായകന്‍ ഹനീഫ് അദേനി തന്നെയാണ് ഈ അപ്ഡേറ്റ് പുറത്തുവിട്ടത്. ‘ഹാപ്പി ബര്‍ത്‌ഡേ ഡിയര്‍ ബ്രദര്‍’ എന്ന അടിക്കുറിപ്പോടെയാണ് നിവിന് ചിത്രം പോസ്റ്റ് ചെയ്തിരിക്കുന്നത്. താങ്ക്‌സ് ബ്രോ എന്ന് കമന്റ് ചെയ്ത ഹനീഫിനോട് താങ്ക്‌സ് ഒക്കെ അവിടെ ഇരിക്കട്ടെ, പടത്തിന്റെ ടൈറ്റില്‍ എങ്കിലും ഇറക്കിവിടണം മിസ്റ്റര്‍ എന്നാണ് നിവിന് പറഞ്ഞത്. ഇതിന് മറുപടിയായാണ് സംവിധായകന്‍ നെക്സ്റ്റ് വീക്ക് എന്ന് പറഞ്ഞത്.
