1744 വൈറ്റ് ഓള്‍ട്ടോ തപ്പി ഷറഫുദ്ദീന്‍; ജോക്കറായി രാജേഷ് മാധവന്‍; ടീസര്‍ പുറത്ത്
എന്റര്‍ടെയിന്‍മെന്റ് ഡെസ്‌ക്
Thursday, 13th October 2022, 6:26 pm
ഷറഫുദ്ദീനെ നായകനാക്കി സെന്ന ഹെഗ്‌ഡേ സംവിധാനം ചെയ്യുന്ന 1744 വൈറ്റ് ഓള്‍ട്ടോയുടെ ടീസര്‍ പുറത്ത്. ഒരു പിടിയും തരാതെ വളരെ കണ്‍ഫ്യൂസിങ്ങായാണ് ടീസര്‍ പുറത്ത് വന്നിരിക്കുന്നത്. ഷറഫുദ്ദീന്‍ അവതരിപ്പിക്കുന്ന പൊലീസ് ഉദ്യോഗസ്ഥനിലൂടെയാണ് ടീസര്‍ പ്രധാനമായും കടന്നുപോകുന്നത്. രാജേഷ് മാധവനും ജോക്കറിന്റെ മേക്കപ്പിട്ട് ടീസറിലെത്തുന്നുണ്ട്.
കോമഡി ക്രൈം ഡ്രാമ വിഭാഗത്തില്‍ പെടുന്ന ചിത്രമാണിത്. തിങ്കളാഴ്ച നിശ്ചയത്തിന് ശേഷം സെന്ന ഹെഗ്‌ഡേ സംവിധാനം ചെയ്യുന്ന ചിത്രമെന്ന നിലയില്‍ വലിയ പ്രതീക്ഷയാണ് ചിത്രത്തിന് മേല്‍ പ്രേക്ഷകര്‍ക്കുള്ളത്. വിന്‍സി അലോഷ്യസ്, നവാസ് വള്ളിക്കുന്ന്, ആര്യ സലിം, ആനന്ദ് മന്‍മഥന്‍, സജിന്‍ ചെറുകയില്‍, ആര്‍.ജെ നില്‍ജ, രഞ്ജി കാങ്കോല്‍ എന്നിവരാണ് മറ്റ് പ്രധാനകഥാപാത്രങ്ങളെ അവതരിപ്പിക്കുന്നത്.
