ഡൂള്‍ന്യൂസ് ഡെസ്‌ക്1 min
മേജര്‍ ലീഗ് ക്രിക്കറ്റിലെ എല്‍ ക്ലാസിക്കോ മത്സരത്തില്‍ എം.ഐ ന്യൂയോര്‍ക്കിനെ പരാജയപ്പെടുത്തി ടെക്‌സസ് സൂപ്പര്‍ കിങ്‌സ്. സീസണിലെ ആദ്യ ബ്രാവോ – പൊള്ളാര്‍ഡ് ഫെയ്‌സ് ഓഫില്‍ വിജയിച്ചുകയറിയാണ് സൂപ്പര്‍ കിങ്‌സ് പോയിന്റ് പട്ടികയില്‍ ഒന്നാമതെത്തിയത്.
ഇന്ന് രാവിലെ ആറ് മണിക്ക് ഗ്രാന്‍ഡ് പ്രയറി സ്റ്റേഡിയത്തില്‍ നടന്ന മത്സരത്തില്‍ 17 റണ്‍സിനാണ് ടെക്‌സസ് സൂപ്പര്‍ കിങ്‌സ് എം.ഐ ന്യൂയോര്‍ക്കിനെ പരാജയപ്പെടുത്തിയത്. ഡെവോണ്‍ കോണ്‍വേയുടെ വെടിക്കെട്ടിലാണ് സൂപ്പര്‍ കിങ്‌സ് വിജയം സ്വന്തമാക്കിയത്.
മത്സരത്തില്‍ ടോസ് നേടി ബാറ്റിങ് തെരഞ്ഞെടുത്ത സൂപ്പര്‍ കിങ്‌സ് ഓപ്പണര്‍ ഡെവോണ്‍ കോണ്‍വേയുടെ അര്‍ധ സെഞ്ച്വറിയുടെ ബലത്തില്‍ മോശമല്ലാത്ത സ്‌കോര്‍ പടുത്തുയര്‍ത്തിയിരുന്നു. 55 പന്തില്‍ നിന്നും എട്ട് ബൗണ്ടറിയും ഒരു സിക്‌സറും ഉള്‍പ്പെടെ 74 റണ്‍സ് നേടിയാണ് കോണ്‍വേ സൂപ്പര്‍ കിങ്‌സ് ഇന്നിങ്‌സിന് അടിത്തറയിട്ടത്.
ഡൂള്‍ന്യൂസിനെ ത്രെഡ്‌സില്‍ പിന്തുടരാന്‍ ഇവിടെ ക്ലിക്ക് ചെയ്യൂ.
A Conway Classic💛💛#TSKvMINY #WhistleForTexas pic.twitter.com/OqkG5wtvmN
— Texas Super Kings (@TexasSuperKings) July 18, 2023
13 പന്തില്‍ രണ്ട് സിക്‌സറും ഒരു ബൗണ്ടറിയുമായി 27 റണ്‍സ് നേടിയ മിച്ചല്‍ സാന്റ്‌നറാണ് സൂപ്പര്‍ കിങ്‌സിന്റെ അടുത്ത ഹൈ സ്‌കോറര്‍.
പിന്നാലെയെത്തിയവര്‍ക്ക് വലിയ തോതില്‍ സ്‌കോര്‍ ചെയ്യാന്‍ സാധിച്ചില്ലെങ്കിലും പലതുള്ളി പെരുവെള്ളമെന്നോണം ടീം ടോട്ടല്‍ ഉയര്‍ത്താന്‍ സധിച്ചിരുന്നു. ഡേവിഡ് മില്ലര്‍ (15 പന്തില്‍ 17), കോഡി ചെട്ടി (18 പന്തില്‍ 12) എന്നിവരാണ് സൂപ്പര്‍ കിങ്‌സിനായി സ്‌കോര്‍ ചെയ്ത മറ്റ് താരങ്ങള്‍.
ഒടുവില്‍ നിശ്ചിത ഓവറില്‍ ഏഴ് വിക്കറ്റ് നഷ്ടത്തില്‍ 154 റണ്‍സാണ് സൂപ്പര്‍ കിങ്‌സ് നേടിയത്.
This one’s for our superfans💛#TSKvMINY #WhistleForTexas #MajorLeagueCricket pic.twitter.com/VCyBiQ5VR0
— Texas Super Kings (@TexasSuperKings) July 18, 2023
Exciting second innings awaits! 💛🦁#TSKvMINY #WhistleForTexas pic.twitter.com/wNRO79Cjey
— Texas Super Kings (@TexasSuperKings) July 18, 2023
ന്യൂയോര്‍ക്കിനായി ട്രെന്റ് ബോള്‍ട്ട്, കഗീസോ റബാദ, എന്നിവര്‍ രണ്ട് വിക്കറ്റ് വീഴ്ത്തിയപ്പോള്‍ ക്യാപ്റ്റന്‍ കെയ്‌റോണ്‍ പൊള്ളാര്‍ഡ്, റാഷിദ് ഖാന്‍ എന്നിവര്‍ ഓരോ വിക്കറ്റും വീഴ്ത്തി.
155 റണ്‍സിന്റെ വിജയലക്ഷ്യവുമായിറങ്ങിയ ന്യൂയോര്‍ക്കിനും തുടക്കം പിഴച്ചിരുന്നു. മോനക് പട്ടേലിനെ സില്‍വര്‍ ഡക്കായി നഷ്ടപ്പെട്ടാണ് എം.ഐ ഇന്നിങ്‌സിന് തുടക്കമിട്ടത്.
പിന്നാലെയെത്തിയവരെ കൂട്ടുപിടിച്ച് ഓപ്പണര്‍ ഷയാന്‍ ജഹാംഗീര്‍ റണ്‍സ് ഉയര്‍ത്താന്‍ ശ്രമിച്ചെങ്കിലും ഫലമുണ്ടായില്ല. 38 പന്തില്‍ നിന്നും അഞ്ച് ബൗണ്ടറിയുടെ അകമ്പടിയോടെ 41 റണ്‍സാണ് താരം നേടിയത്.
ജഹാംഗീറിന് പുറമെ ടിം ഡേവിഡ് (19 പന്തില്‍ 21), നിക്കോളാസ് പൂരന്‍ (15 പന്തില്‍ 19) എന്നിവര്‍ ഒരു ചെറുത്ത് നില്‍പിന് ശ്രമിച്ചെങ്കിലും ഫലമുണ്ടായില്ല. ഒടുവില്‍ നിശ്ചിത ഓവറില്‍ എട്ട് വിക്കറ്റ് നഷ്ടത്തില്‍ 137 റണ്‍സിന് ന്യൂയോര്‍ക്ക് പോരാട്ടം അവസാനിപ്പിച്ചപ്പോള്‍ സൂപ്പര്‍ കിങ്‌സ് 17 റണ്‍സിന്റെ വിജയമാഘോഷിച്ചു.
Sam-ming it up with a win🤩💛 #TSKvMINY #WhistleForTexas #MajorLeagueCricket pic.twitter.com/e6EDQBW7JW
— Texas Super Kings (@TexasSuperKings) July 18, 2023
Texas Super Kings came on top of MI New York.
They defended 154 and won the game by 17 runs! pic.twitter.com/IVDvbVT9P2
— Mufaddal Vohra (@mufaddal_vohra) July 18, 2023
അര്‍ധ സെഞ്ച്വറിയുമായി സൂപ്പര്‍ കിങ്‌സിന്റെ ഇന്നിങ്‌സിന് അടിത്തറയിട്ട ഡെവോണ്‍ കോണ്‍വേയാണ് മത്സരത്തിലെ താരം. തൊട്ടുമുമ്പ് വാഷിങ്ടണ്‍ ഫ്രീഡത്തിനെതിരായ മത്സരത്തില്‍ ഗോള്‍ഡന്‍ ഡക്കായി പുറത്തുപോകേണ്ടി വന്നതിന്റെ നിരാശയും ഇതോടെ കോണ്‍വേ തീര്‍ക്കുകയായിരുന്നു.
ഈ മത്സരത്തിലെ വിജയത്തിന് പിന്നാലെ പോയിന്റ് പട്ടികയില്‍ ഒന്നാം സ്ഥാനത്താണ് സൂപ്പര്‍ കിങ്‌സ്. മൂന്ന് മത്സരത്തില്‍ നിന്നും രണ്ട് ജയവും ഒരു തോല്‍വിയുമാണ് സൂപ്പര്‍ കിങ്‌സിനുള്ളത്. മൂന്ന് മത്സരത്തില്‍ നിന്നും ഒരു ജയവും രണ്ട് തോല്‍വിയുമായി മൂന്നാമതാണ് ന്യൂയോര്‍ക്ക്.
സീസണില്‍ ഇതുവരെ തോല്‍വിയറിയാത്ത സിയാറ്റില്‍ ഓര്‍ക്കാസിനെതിരെയാണ് സൂപ്പര്‍ കിങ്‌സിന്റെ അടുത്ത മത്സരം. ജൂലൈ 22ന് ചര്‍ച്ച് സ്ട്രീറ്റ് പാര്‍ക്കാണ് സിയാറ്റില്‍ – ടെക്‌സസ് പോരാട്ടത്തിന് വേദിയാകുന്നത്.
Content highlight: Texas Super Kings defeated MI New York
