ദല്‍ഹി കലാപം: 'പെട്രോളും ആസിഡും ഗ്ലാസ് ബോട്ടിലും ശേഖരിക്കേണ്ട ചുമതലയുണ്ടായിരുന്നു,' മുന്‍ ആം ആദ്മി നേതാവ് താഹിര്‍ ഹുസൈന്‍
ഡൂള്‍ന്യൂസ് ഡെസ്‌ക്
Monday, 3rd August 2020, 2:09 pm
ദല്‍ഹി: ഫെബ്രുവരിയില്‍ വടക്ക് കിഴക്കന്‍ ദല്‍ഹിയില്‍ നടന്ന കലാപത്തില്‍ ഗ്ലാസ് ബോട്ടില്‍, പെട്രോള്‍, ആസിഡ്, കല്ലുകള്‍ എന്നിവ ശേഖരിക്കാനുള്ള നിര്‍ദ്ദേശം തനിക്ക് ലഭിച്ചിരുന്നുവെന്ന് ആം ആദ്മി പാര്‍ട്ടിയില്‍ നിന്ന് സസ്‌പെന്‍ഡ് ചെയ്യപ്പെട്ട (എ.എ.പി) കൗണ്‍സിലറായിരുന്ന താഹിര്‍ ഹുസൈന്‍.
ദല്‍ഹി പൊലീസിന്റെ ചോദ്യം ചെയ്യല്‍ റിപ്പോര്‍ട്ടില്‍ ഇക്കാര്യം പറയുന്നതായി ഹിന്ദുസ്ഥാന്‍ ടൈംസ് റിപ്പോര്‍ട്ട് ചെയ്യുന്നു.
ജെ.എന്‍.യു സര്‍വകലാശാലയിലെ വിദ്യാര്‍ഥിയായിരുന്ന ഉമര്‍ഖാലിദുമായി കഴിഞ്ഞ ജനുവരി എട്ടിന് ഷഹീന്‍ ബാഗിലുള്ള പോപ്പുലര്‍ ഫ്രണ്ടിന്റെ ഓഫീസില്‍ വെച്ച് കൂടിക്കാഴ് നടത്തിയെന്നും ഇയാള്‍ പറയുന്നു.
പ്രതിഷേധത്തിനായി ജനങ്ങളെ തെരുവിലിറക്കാനുള്ള ചുമതല
ഹുസൈന്റെ പരിചയക്കാരിലൊരാളായ ഖാലിദ് സെയ്ഫിനായിരുന്നെന്നും ഇതില്‍ പരാമര്‍ശിക്കുന്നുണ്ട്.
