'ഇസ്‌ലാമിക അധിനിവേശക്കാരുടെ പ്രത്യയശാസ്ത്രവും ബ്രിട്ടീഷുകാരുടെ ചിന്തയും ഒന്നായിരുന്നു'; വിഭജന സമയത്ത് അനുഭവിച്ച ദുരിതങ്ങള്‍ മറക്കാന്‍ പാടില്ലെന്ന് മോഹന്‍ ഭാഗവത്
ഡൂള്‍ന്യൂസ് ഡെസ്‌ക്
Friday, 26th November 2021, 7:29 am
നോയിഡ: ലോകത്തിന് നന്മ ചെയ്യാന്‍ ഹിന്ദു സമൂഹം പ്രാപ്തമാകണമെന്ന് ആര്‍.എസ്.എസ് തലവന്‍ മോഹന്‍ ഭാഗവത്.
ചരിത്രം വായിച്ച് അതിന്റെ സത്യം ഉള്‍ക്കൊള്ളണമെന്നും വിഭജന സമയത്ത് ഇന്ത്യ അനുഭവിച്ച ദുരിതങ്ങള്‍ മറക്കാന്‍ പാടില്ലെന്നും ഭാഗവത് പറഞ്ഞു.
‘ഇന്ത്യയുടെ പ്രത്യയശാസ്ത്രം എല്ലാവരേയും ഒപ്പം കൊണ്ടുപോകുക എന്നതാണ്. സ്വയം ശരിയെന്നും മറ്റുള്ളവര്‍ തെറ്റും കരുതുന്ന ഒരു പ്രത്യയശാസ്ത്രമല്ല ഇത്.
ഇസ്‌ലാമിക അധിനിവേശക്കാരുടെ പ്രത്യയശാസ്ത്രവും ബ്രിട്ടീഷുകാരുടെ ചിന്തയും ഒന്നായിരുന്നെന്നും ഭാഗവത് ആരോപിച്ചു.
