ഇന്ത്യ ശ്രീലങ്ക പര്യടനം ജൂലൈ 27 മുതല്‍ തുടങ്ങാനിരിക്കുകയാണ്. മൂന്ന് ടി-20യും മൂന്ന് ഏകദിനവുമാണ് ഇന്ത്യ ശ്രീലങ്കയില്‍ കളിക്കുക. ജൂലൈ 27 മുതല്‍ ഓഗസ്റ്റ് ഏഴ് വരെയാണ് പരമ്പര ഷെഡ്യൂള്‍ ചെയ്തിട്ടുള്ളത്. ജൂലൈ 27, 28, 30 തീയതികളിലാണ് മൂന്ന് ടി-20 മത്സരങ്ങള്‍ നടക്കുന്നത്. ഓഗസ്റ്റ് 2, 4, 7 തീയതികളില്‍ കൊളംബോയിലാണ് മൂന്ന് ഏകദിനങ്ങള്‍.
ഇപ്പോള്‍ ഇന്ത്യയ്‌ക്കെതിരായ ടി-20 പരമ്പരയുടെ സ്‌ക്വാഡ് പുറത്ത് വിട്ടിരിക്കുകയാണ് ശ്രീലങ്ക. ക്യാപ്റ്റന്‍ സ്ഥാനത്ത് നിന്ന് വനിന്ദു ഹസരംഗ മാറിയതോടെ ചരിത് അസലങ്കയാണ് ക്യാപ്റ്റന്‍ സ്ഥാനത്ത് എത്തിയത്. ഏറെ നാളത്തെ ഇടവേളയ്ക്ക് ശേഷം ദിനേശ് ചണ്ടിമല്‍ സ്‌ക്വാഡില്‍ ഇടം നേടിയിട്ടുണ്ട്.
മാത്രമല്ല ബൗളിങ് യൂണിറ്റില്‍ മികവ് പുലര്‍ത്താന്‍ ബിനുര ഫെര്‍ണാണ്ടോയെ പരിഗണിച്ചിട്ടുണ്ട്. മതീഷ പതിരാന അടങ്ങുന്ന മികച്ച ബൗളിങ് യൂണിറ്റ് പ്രതീക്ഷ നല്‍കുന്നതാണ്.
