ബൗളിംഗ് കോച്ചായി നിയമിതനായി മൂന്ന് ദിവസത്തിന് ശേഷം രാജി; ചാമിന്ദ വാസിനെതിരെ ശ്രീലങ്കന്‍ ക്രിക്കറ്റ് ബോര്‍ഡ്
സ്പോര്‍ട്സ് ഡെസ്‌ക്
Monday, 22nd February 2021, 10:31 pm
കൊളംബോ: ശ്രീലങ്കന്‍ ദേശീയ ടീമിന്റെ ബൗളിംഗ് കോച്ചായി നിയമിക്കപ്പെട്ട് മൂന്ന് ദിവത്തിനുള്ളില്‍ രാജി സമര്‍പ്പിച്ച് മുന്‍ താരം ചാമിന്ദ വാസ്. ടീം വെസ്റ്റ് ഇന്‍ഡീസ് പര്യടനത്തിന് പുറപ്പെടാനിരിക്കെയാണ് വാസിന്റെ പിന്മാറ്റം.
ചാമിന്ദവാസിന്റെ തീരുമാനം നിരുത്തരവാദപരമാണെന്ന് ലങ്കന്‍ ക്രിക്കറ്റ് ബോര്‍ഡ് പ്രതികരിച്ചു. സാമ്പത്തിക ലാഭം മുന്നില്‍ക്കണ്ട് വ്യക്തിപരമായ നേട്ടങ്ങള്‍ക്കായാണ് വാസ് സ്ഥാനം രാജിവെച്ചതെന്ന് ലങ്കന്‍ ക്രിക്കറ്റ് ബോര്‍ഡ് ആരോപിച്ചു.
