അവര്‍ ടീമിലെടുക്കാത്തതില്‍ സന്തോഷം മാത്രം, ഇത്രയും സന്തോഷം ഒരിക്കല്‍ പോലും ഉണ്ടായിട്ടില്ല: ശുഭ്മന്‍ ഗില്‍
സ്പോര്‍ട്സ് ഡെസ്‌ക്
Tuesday, 16th August 2022, 7:07 pm
യുവതാരങ്ങളെക്കൊണ്ട് സമ്പന്നമാണ് ഇന്ത്യന്‍ ക്രിക്കറ്റ് ടീം. ഇവരുള്ളതുകൊണ്ടുതന്നെ അടുത്ത ട്രാന്‍സിഷന്‍ പിരിയഡില്‍ ഇന്ത്യന്‍ ക്രിക്കറ്റ് ഒരിഞ്ച് പോലും പുറകോട്ട് പോവില്ലെന്നുറപ്പാണ്. ഇന്ത്യയുടെ ബെഞ്ച് സ്‌ട്രെങ്തും ഏതൊരു ടീമിനെയും കൊതിപ്പിക്കുന്നതാണ്.
ശുഭ്മന്‍ ഗില്ലാണ് ഇന്ത്യയുടെ ഭാവി താരങ്ങളില്‍ ഒരാളായി വാഴ്ത്തപ്പെടുന്നത്. 2022 ഐ.പി.എല്ലില്‍ ഗുജറാത്ത് ടൈറ്റന്‍സിന്റെ താരമായി തിളങ്ങിയ ഗില്‍ ടീമിന്റെ കിരീടനേട്ടത്തിലും പ്രധാന പങ്കായിരുന്നു വഹിച്ചത്.
നേരത്തെ കൊല്‍ക്കത്ത നൈറ്റ് റൈഡേഴ്‌സിന്റെ താരമായിരുന്നു ശുഭ്മന്‍ ഗില്‍. എന്നാല്‍ 2022 മെഗാ താരലേലത്തില്‍ കെ.കെ.ആര്‍ ഗില്ലിനെ ടീമിലെടുക്കാതെ തഴഞ്ഞിരുന്നു.
