ഇന്ത്യയില്‍ ഇടവിട്ടുള്ള ലോക്ഡൗണ്‍ ഫലപ്രദമല്ല; രോഗവ്യാപനം തടയില്ലെന്ന് റിപ്പോര്‍ട്ടുകള്‍
ഡൂള്‍ന്യൂസ് ഡെസ്‌ക്
Wednesday, 15th July 2020, 9:57 am
ബംഗളുരു: ഇടവിട്ട് കുറച്ച് ദിവസത്തേക്ക് ഏര്‍പ്പെടുന്ന ലോക്ഡൗണ്‍ രോഗം വ്യാപനം പൂര്‍ണ്ണമായി തടയില്ലെന്ന് ശാസ്ത്രജ്ഞര്‍. ഇന്ത്യയില്‍ മിക്ക സംസ്ഥാനങ്ങളിലും ഇടവിട്ടുള്ള ലോക്ഡൗണുകളാണ് നിലവിലുള്ളത്. എന്നാല്‍ ഇവ ഫലപ്രദമല്ലെന്നും വിദഗ്ധര്‍ ചൂണ്ടിക്കാട്ടുന്നു.
ഇത്തരത്തിലെ ലോക്ഡൗണ്‍ സംവിധാനങ്ങള്‍ സാമൂഹ്യവ്യാപനം വര്‍ധിപ്പിക്കാനെ സഹായിക്കുകയുള്ളുവെന്നും റിപ്പോര്‍ട്ടുകളുണ്ട്. കുറച്ച് ദിവസത്തേക്ക് മാത്രമുള്ള ലോക്ഡൗണ്‍ കൊവിഡ് വൈറസിന്റെ കണ്ണികള്‍ ഇല്ലാതാക്കുന്നില്ല.
ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് സയന്‍സ് ഉള്‍പ്പടെയുള്ള സ്ഥാപനങ്ങളിലെ വിദഗ്ധരാണ് ഈ നിര്‍ദ്ദേശവുമായി മുന്നോട്ടെത്തിയത്. ചെന്നൈയില്‍ കൊവിഡ് രൂക്ഷമായി തുടരുന്ന സാഹചര്യത്തില്‍ തമിഴ്‌നാടിന്റെ വിവിധ ഭാഗങ്ങളില്‍ ലോക്ഡൗണ്‍ പ്രഖ്യാപിച്ചിരിക്കുകയാണ്.
