അരൂര്‍: അരൂരില്‍ ഷാനിമോള്‍ക്ക് വോട്ടുകള്‍ കുറയുന്നു. ഏഴ് റൗണ്ട് പൂര്‍ത്തിയായപ്പോള്‍ ഷാനിമോളുടെ ലീഡ് കുറഞ്ഞിരിക്കുകയാണ്. നേരത്തെ 2000ത്തിലധികം ലീഡ് ഉയര്‍ത്തിയിരുന്നെങ്കിലും യുഡിഎഫ് സ്ഥാനാര്‍ഥി ഷാനിമോള്‍ ഉസ്മാന്റെ വോട്ടു നില കുറയുന്നു. അരൂരില്‍ ഇഞ്ചോടിഞ്ച് പോരാട്ടമാണ് നടക്കുന്നത്. നിലവില്‍ 1669 ആയി ലീഡ് നില കുറഞ്ഞിട്ടുണ്ട്.
അരൂരിലെ എല്‍.ഡി.എഫ് സ്ഥാനാര്‍ഥി മനു. സി പുളിക്കല്‍ ആണ് രണ്ടാം സ്ഥാനത്ത്.
പാണാവള്ളി കോടന്തുരുത്ത് എന്നിങ്ങനെയുള്ള എല്‍.ഡിഎഫിന് സ്വാധീനമുള്ള ബൂത്തുകളാണ് എണ്ണിക്കഴിഞ്ഞത്. കോടംന്തുരുത്തിന്റെ മറ്റുഭാഗങ്ങള്‍ എണ്ണുമ്പോഴാണ് ഷാനിമോളുടെ ലീഡ് കുറയുന്നതായി കാണുന്നത്.
