സിഡ്‌നി: ഓസ്ര്‌ടേലിയന്‍ താരം ഷെയ്ന്‍ വാട്‌സണ്‍ ക്രിക്കറ്റിന്റെ എല്ലാ ഫോര്‍മാറ്റില്‍ നിന്നും വിരമിച്ചു. ടൈംസ് ഓഫ് ഇന്ത്യയാണ് ഇത് സംബന്ധിച്ച വാര്‍ത്ത റിപ്പോര്‍ട്ട് ചെയ്യുന്നത്. ഐ.പി.എല്ലിലെ ചെന്നൈ സൂപ്പര്‍കിംഗ്‌സിന്റെ അവസാന മത്സരത്തിന് ശേഷം സഹതാരങ്ങളോട് താന്‍ വിരമിക്കുന്നതായി പറഞ്ഞുവെന്നാണ് റിപ്പോര്‍ട്ട്.
അന്താരാഷ്ട്ര ക്രിക്കറ്റില്‍ നിന്ന് 2018 വാട്‌സണ്‍ വിരമിച്ചിരുന്നു. ആ വര്‍ഷം വാട്‌സണെ ചെന്നൈ ലേലത്തില്‍ സ്വന്തമാക്കുകയായിരുന്നു.
2018 ലെ ഫൈനലില്‍ സെഞ്ച്വറി നേടിയ വാട്‌സന്റെ മികവില്‍ ചെന്നൈ കിരീടം നേടിയിരുന്നു.
ഐ.പി.എല്‍ തുടക്കത്തില്‍ രാജസ്ഥാന് റോയല്‍സിനൊപ്പമായിരുന്നു വാട്‌സണ്‍. പ്രഥമ ഐ.പി.എല്‍ കിരീടം രാജസ്ഥാന് നേടിക്കൊടുക്കുന്നതില്‍ വാട്‌സണ്‍ നിര്‍ണായക പങ്ക് വഹിച്ചിരുന്നു.
