ജീന്‍സിട്ടെത്തിയ പെണ്‍കുട്ടിയെ ബുര്‍ഖ ധരിക്കാത്തതിന്റെ പേരില്‍ അധിക്ഷേപിച്ച്, കടയില്‍ നിന്ന് പുറത്താക്കി
ഡൂള്‍ന്യൂസ് ഡെസ്‌ക്
Tuesday, 2nd November 2021, 10:24 am
ഗുവാഹത്തി: ബുര്‍ഖ ധരിക്കാതെ ജീന്‍സ് ധരിച്ചതിന് പെണ്‍കുട്ടിയെ കടയുടമ നാണംകെടുത്തി കടയില്‍ നിന്ന് പുറത്താക്കിയതായി പരാതി.
അസമിലെ ബിസ്വനാഥ് ജില്ലയിലാണ് സംഭവം. പെണ്‍കുട്ടിയെ അപമാനിച്ചത് ചോദ്യം ചെയ്യാനെത്തിയ അച്ഛനെതിരെ കയ്യേറ്റവും നടന്നു. സംഭവത്തില്‍ പ്രതികളായ കടയുടമയേയും മറ്റ് രണ്ട് പേരെയും അറസ്റ്റ് ചെയ്തു.
മൊബൈല്‍ ഫോണ്‍ അക്‌സസറീസ് കടയില്‍ ഇയര്‍ഫോണ്‍ വാങ്ങാനെത്തിയതായിരുന്നു യുവതി. എന്നാല്‍, കടയുടമ നൂറുല്‍ അമിന്‍ പെണ്‍കുട്ടിക്ക് ഇയര്‍ഫോണ്‍ നല്‍കാന്‍ വിസമ്മതിക്കുകയും ബുര്‍ഖ ധരിക്കാതെ ജീന്‍സ് ധരിച്ചതിന്റെ പേരില്‍ കളിയാക്കുകയും ഷോപ്പില്‍ നിന്ന് പുറത്തേക്ക് തള്ളുകയും ചെയ്യുകയായിരുന്നു.
