റോജര്‍ ഫെഡറര്‍ ഫ്രഞ്ച് ഓപ്പണില്‍ നിന്നു പിന്‍മാറി
സ്പോര്‍ട്സ് ഡെസ്‌ക്
Sunday, 6th June 2021, 9:07 pm
പാരിസ്: ഫ്രഞ്ച് ഓപ്പണില്‍ നിന്നു റോജര്‍ ഫെഡറര്‍ പിന്‍മാറി. നാലാം റൗണ്ടിലെത്തിയതിനു ശേഷമാണ് അപ്രതീക്ഷിത പിന്‍വാങ്ങല്‍.
കാല്‍മുട്ടിനു രണ്ട് ശസ്ത്രക്രിയ കഴിഞ്ഞതിനാലും ഒരു വര്‍ഷത്തെ വിശ്രമം ആവശ്യമായതിനാലും ശരീരം സംരക്ഷിക്കേണ്ടതിനാല്‍ പിന്‍വാങ്ങുകയാണെന്ന് അദ്ദേഹം ട്വീറ്റ് ചെയ്തു. നേരത്തേ വനിതാ സൂപ്പര്‍ താരം നവോമി ഒസാക ഫ്രഞ്ച് ഓപ്പണില്‍ നിന്നു പിന്‍വാങ്ങിയിരുന്നു.
മൂന്നാം റൗണ്ടില്‍ ജര്‍മനിയുടെ ഡൊമിനിക് കോഫറിനെതിരെ 7-6, 6-7, 7-6, 7-5നാണു ഫെഡറര്‍ ജയിച്ചത്.
മൂന്ന് മണിക്കൂറും 35 മിനിറ്റുമാണു മത്സരം നീണ്ടുനിന്നത്. കഴിഞ്ഞ 18 മാസത്തിന് ഇടയിലെ ഫെഡറര്‍ കളിക്കുന്ന ഏറ്റവും ദൈര്‍ഘ്യമേറിയ മത്സരം കൂടിയായിരുന്നിത്.
