ഐ.പി.എല്‍ 2023ലെ ആദ്യ ക്വാളിഫയര്‍ മത്സരത്തില്‍ ഗുജറാത്ത് ടൈറ്റന്‍സിനെ പരാജയപ്പെടുത്തി ചെന്നൈ സൂപ്പര്‍ കിങ്‌സ് ഫൈനലില്‍ പ്രവേശിച്ചിരുന്നു. ഹോം സ്‌റ്റേഡിയത്തില്‍ നടന്ന മത്സരത്തില്‍ 15 റണ്‍സിനായിരുന്നു റെയ്‌നിങ് ചാമ്പ്യന്‍മാരെ സൂപ്പര്‍ കിങ്‌സ് തകര്‍ത്തുവിട്ടത്.
എന്നത്തേയും പോലെ ഋതുരാജ് ഗെയ്ക്വാദിന്റെ തകര്‍പ്പന്‍ ബാറ്റിങ് പ്രകടനവും രവീന്ദ്ര ജഡേജയുടെ ഓള്‍ റൗണ്ട് മികവുമാണ് ചെന്നൈക്ക് വിജയം നേടിക്കൊടുത്തത്. ഈ പ്രകടനത്തിന് പിന്നാലെ മത്സരത്തിന്റെ താരമായി ഗെയ്ക്വാദിനെയായിരുന്നു തെരഞ്ഞെടുത്തത്.
അപ്‌സ്റ്റോക്‌സ് മോസ്റ്റ് വാല്യുബിള്‍ അസ്സെറ്റ് ഓഫ് ദി മാച്ച് പുരസ്‌കാരമായിരുന്നു ജഡേജയെ തേടിയെത്തിയത്. ബാറ്റിങ്ങില്‍ നേടിയ 22 റണ്‍സും നാല് ഓവറില്‍ വെറും 18 റണ്‍സ് വഴങ്ങി രണ്ട് വിക്കറ്റ് വീഴ്ത്തിയതുമാണ് ജഡേജയെ പുരസ്‌കാരത്തിന് അര്‍ഹനാക്കിയത്.
Jaddu on the fore, acing it all! ⚔️🪄
2️⃣2️⃣(1️⃣6️⃣) & 2️⃣/1️⃣8️⃣#IPL2023 #WhistlePodu #Yellove 🦁💛 @imjadeja pic.twitter.com/U7XUKDy3R7— Chennai Super Kings (@ChennaiIPL) May 24, 2023
ഇതിന് ശേഷം ജഡേജ പങ്കുവെച്ച ചിത്രമാണ് സോഷ്യല്‍ മീഡിയയില്‍ ചര്‍ച്ചയാകുന്നത്. മോസ്റ്റ് വാല്യുബിള്‍ അസ്സെറ്റ് ഓഫ് മാച്ച് പുരസ്‌കാരമേറ്റുവാങ്ങുന്ന ചിത്രമായിരുന്നു താരം പങ്കുവെച്ചത്. ‘അപ്‌സ്റ്റോക്‌സിന് മനസിലായി, എന്നിട്ടും ചില ആരാധകര്‍ക്ക് മനസിലായിട്ടില്ല,’ എന്ന ക്യാപ്ഷനോടെയാണ് താരം ചിത്രം പങ്കുവെച്ചത്.
Upstox knows but..some fans don’t 🤣🤣 pic.twitter.com/6vKVBri8IH
— Ravindrasinh jadeja (@imjadeja) May 23, 2023
നിമിഷങ്ങള്‍ക്കകം തന്നെ ചിത്രവും താരം അതിന് നല്‍കിയ ക്യാപ്ഷനും ചര്‍ച്ചയായിരുന്നു. ആ ചില ഫാന്‍സ് ചെന്നൈ സൂപ്പര്‍ കിങ്‌സിന്റേതാണെന്നാണ് ആരാധകര്‍ പറയുന്നത്.
