മലയാളികള്‍ക്ക് ഏറെ പ്രിയപ്പെട്ട നടന്മാരില്‍ ഒരാളാണ് അജു വര്‍ഗീസ്. മലര്‍വാടി ആര്‍ട്സ് ക്ലബ് എന്ന വിനീത് ശ്രീനിവാസന്‍ ചിത്രത്തിലൂടെയാണ് അദ്ദേഹം തന്റെ സിനിമാ കരിയര്‍ ആരംഭിച്ചത്.

പിന്നീട് കോമഡി റോളുകള്‍ മാത്രം ചെയ്ത അജു ഇപ്പോള്‍ അതില്‍ നിന്നൊക്കെ മാറി വ്യത്യസ്തമായ റോളുകളും മലയാളികള്‍ക്ക് നല്‍കുന്നുണ്ട്. മലയാളത്തിലെ ഒട്ടുമിക്ക താരങ്ങള്‍ക്കുമൊപ്പം അഭിനയിച്ച നടന്‍ കൂടിയാണ് അജു.

നവാഗതനായ സാലോണ്‍ സൈമണ്‍ സംവിധാനം ചെയ്ത് അജു നായകനായി എത്തുന്ന ഏറ്റവും പുതിയ ചിത്രമാണ് പടക്കുതിര. കോമഡി, ആക്ഷന്‍, ഡ്രാമ ഴോണറില്‍ എത്തുന്ന ഈ സിനിമയില്‍ നടന്‍ രണ്‍ജി പണിക്കറും ഒരു പ്രധാനവേഷത്തില്‍ എത്തുന്നുണ്ട്.

ഇപ്പോള്‍ രണ്‍ജി പണിക്കറിനെ കുറിച്ചും അദ്ദേഹത്തിന്റെ കഥാപാത്രത്തെ കുറിച്ചും പറയുകയാണ് അജു വര്‍ഗീസ്. സില്ലിമോങ്ക്‌സ് മോളീവുഡിന് നല്‍കിയ അഭിമുഖത്തില്‍ സംസാരിക്കുകയായിരുന്നു നടന്‍.

‘രണ്‍ജി സാറിന്റെ വളരെ മികച്ച കഥാപാത്രമാണ് ഈ സിനിമയില്‍ ഉള്ളത്. ഗോദ, അതിരന്‍, ജേക്കബിന്റെ സ്വര്‍ഗരാജ്യം, ഓം ശാന്തി ഓശാന തുടങ്ങി ഒരുപാട് നല്ല സിനിമകള്‍ അദ്ദേഹത്തിനുണ്ട്.

ഞാന്‍ അസോസിയേറ്റ് ചെയ്തിട്ടുള്ള സിനിമകളാണ് ഇതൊക്കെ. ഈ സിനിമകളില്‍ ഉണ്ടായിരുന്നത് പോലെ തന്നെ വ്യത്യസ്തമായ കഥാപാത്രമാകും പടക്കുതിരയില്‍ അദ്ദേഹത്തിന്റേത്.

അദ്ദേഹത്തിന്റെ കൂടെ വര്‍ക്ക് ചെയ്തത് ശരിക്കും എന്റര്‍ടൈനിങ്ങ് ആയിരുന്നു. എനിക്ക് അങ്ങനെയാണ് ഫീല് ചെയ്തത്. അദ്ദേഹവുമായി കുറച്ച് കെമിസ്ട്രി തോന്നിയിരുന്നു.

അത്തരത്തില്‍ എനിക്ക് നല്ല കെമിസ്ട്രി തോന്നിയ ഷോട്ടുകള്‍ ഉണ്ടായിരുന്നു. ഒരു നടനെന്ന നിലയില്‍ അദ്ദേഹത്തിന്റെ കൂടെ ഉണ്ടായിരുന്ന ഓരോ സീക്വന്‍സും എനിക്ക് പുതിയതായിരുന്നു,’ അജു വര്‍ഗീസ് പറയുന്നു.

Content Highlight: Aju Varghese Talks About Character Of Renji Panicker In Padakkuthira Movie