ആ പ്രസ്താവന അയോധ്യയുടെ പ്രാധാന്യത്തെയും സാംസ്‌കാരിക മൂല്യത്തെയും തരംതാഴ്ത്താന്‍ ഉദ്ദേശിച്ചായിരുന്നില്ല;വിശദീകരണവുമായി നേപ്പാള്‍ വിദേശകാര്യ മന്ത്രാലയം
ഡൂള്‍ന്യൂസ് ഡെസ്‌ക്
Tuesday, 14th July 2020, 10:10 pm
കാഠ്മണ്ഡു: ശ്രീരാമാന്‍ നേപ്പാളിയാണെന്ന നേപ്പാള്‍ പ്രധാനമന്ത്രി കെ.പി ശര്‍മ ഒലിയുടെ അവകാശവാദത്തിന് പിന്നാലെ വിശദീകരണവുമായി നേപ്പാള്‍ വിദേശകാര്യ മന്ത്രാലയം.
അയോധ്യയുടെ പ്രാധാന്യത്തെയും സാംസ്‌കാരിക മൂല്യത്തെയും തരംതാഴ്ത്താന്‍ ഉദ്ദേശിച്ചുക്കൊണ്ടുള്ളതായിരുന്നില്ല ഒലിയുടെ പ്രസ്താവന എന്നാണ് മന്ത്രാലയത്തിന്റെ വിശദീകരണം.
ശ്രീരാമനെക്കുറിച്ചും അദ്ദേഹവുമായി ബന്ധപ്പെട്ട സ്ഥലങ്ങളെക്കുറിച്ചും നിരവധി ഐതീഹ്യവും പരാമര്‍ശങ്ങളും നടന്നിട്ടുള്ളതിനാല്‍, ശ്രീരാമനെക്കുറിച്ചും രാമായണത്തെക്കുറിച്ചും ബന്ധപ്പെട്ട നാഗരികതയെക്കുറിച്ചും പ്രതിപാദിക്കുന്ന വിശാലമായ സാംസ്‌കാരിക ഭൂമിശാസ്ത്രത്തെക്കുറിച്ചുള്ള കൂടുതല്‍ പഠനങ്ങളുടെയും ഗവേഷണങ്ങളുടെയും പ്രാധാന്യമാണ് പ്രധാനമന്ത്രി ഉദ്ദേശിച്ചതെന്നാണ് പ്രസ്താവനയില്‍ പറയുന്നത്.
