ന്യൂദല്‍ഹി: പുതിയ മന്ത്രിസഭയില്‍ പഴയ മന്ത്രിമാരെത്തന്നെ നിലനിര്‍ത്താനുള്ള അരവിന്ദ് കെജ്‌രിവാളിന്റെ തീരുമാനത്തെ പിന്തുണച്ച് മനീഷ് സിസോദിയ.
” നേരത്തെയുണ്ടായിരുന്ന അതേ മന്ത്രിസഭ ആവര്‍ത്തിക്കാനുള്ള അരവിന്ദ് കെജ്‌രിവാള്‍ ജിയുടെ തീരുമാനത്തില്‍ ഒരു ശരികേടുമില്ല. ജനങ്ങള്‍ മന്ത്രിസഭയുടെ പ്രവര്‍ത്തനത്തില്‍ സന്തുഷ്ടരാണ്. ആ പ്രവര്‍ത്തനത്തിന്റെ അടിസ്ഥാനത്തിലാണ് ഞങ്ങള്‍ ജയിച്ചതും”, സിസോദിയ പറഞ്ഞു.
ദല്‍ഹി മുഖ്യമന്ത്രിയായി അരവിന്ദ് കെജ്‌രിവാള്‍ ഇന്ന് വീണ്ടും അധികാരത്തിലേറും. മൂന്നാമത്തെ തവണയാണ് കെജ്‌രിവാള്‍ ദല്‍ഹി മുഖ്യമന്ത്രിയായി ചുമതലയേല്‍ക്കുന്നത്.
70 സീറ്റില്‍ 62 സീറ്റുകളാണ് ആം ആദ്മി നേടിയത്.
