'നിലപാട് വ്യക്തമാക്കിയതാണ്'; കോണ്‍ഗ്രസ് അധ്യക്ഷസ്ഥാനത്തേക്ക് തിരിച്ചെത്തുമോ എന്ന ചോദ്യത്തിന് രാഹുലിന്റെ മറുപടി ഇങ്ങനെ
ഡൂള്‍ന്യൂസ് ഡെസ്‌ക്
Wednesday, 4th March 2020, 3:53 pm
ന്യൂദല്‍ഹി: കോണ്‍ഗ്രസിന്റെ നേതൃസ്ഥാനത്തേക്ക് വീണ്ടും രാഹുല്‍ ഗാന്ധി തിരിച്ചെത്തുമോ എന്ന ചോദ്യങ്ങള്‍ ഉയര്‍ന്നു വരുന്ന സാഹചര്യത്തില്‍ അത്തരത്തിലൊരു നീക്കം രാഹുലിന്റെ ഭാഗത്തുനിന്ന് ഉണ്ടാവാന്‍ സാധ്യതയില്ലെന്ന് രാഹുലുമായി ബന്ധപ്പെട്ട അടുത്ത വൃത്തങ്ങള്‍ വ്യക്തമാക്കി. രാഹുല്‍ തീരുമാനത്തില്‍ നിന്ന് പിന്തിരിയാന്‍ സാധ്യതയില്ലെന്നാണ് സൂചനകള്‍.
” അധ്യക്ഷസ്ഥാനത്തില്‍ ഞാനെന്റെ നിലപാട് വ്യക്തമാക്കിയതാണ്. ഇത് സംബന്ധിച്ച കത്ത് ഞാന്‍ നേരത്തെത്തന്നെ എഴുതിയതാണ്. കോണ്‍ഗ്രസ് അധ്യക്ഷനായി ഞാന്‍ തിരിച്ചെത്തുമോ എന്ന ചോദ്യമേ വേണ്ട,” രാഹുലിനെ ഉദ്ധരിച്ച് എന്‍.ഡി.ടി.വി റിപ്പോര്‍ട്ട് ചെയ്തു.
