'ഇതിനെയാണ് കൊല്ലാനുള്ള ലൈസന്‍സ് എന്ന് പറയുന്നത്'; മാനസിക വെല്ലുവിളി നേരിട്ട ഫലസ്തീന്‍ യുവാവിനെ കൊന്ന ഇസ്രഈല്‍ പൗരനെ വെറുതെവിട്ടു
ഡൂള്‍ന്യൂസ് ഡെസ്‌ക്
Tuesday, 21st December 2021, 10:14 am
ടെല്‍ അവീവ്: മാനസിക വെല്ലുവിളി നേരിട്ടിരുന്ന ഫലസ്തീന്‍ യുവാവിനെ വെടിവെച്ച് കൊന്ന ഇസ്രഈല്‍ പൗരനെ വെറുതെവിട്ട് ഇസ്രഈല്‍ പബ്ലിക് പ്രോസിക്യൂഷന്‍.
ഇസ്രഈലില്‍ കഴിഞ്ഞിരുന്ന ഫലസ്തീന്‍ പൗരനായ മുസ്തഫ യൂനിസ് എന്ന 26കാരനെയാണ് ഇസ്രഈലിലെ സുരക്ഷാ ജീവനക്കാരന്‍ വെടിവെച്ച് കൊന്നത്. എന്നാല്‍ ഇസ്രഈല്‍ പബ്ലിക് പ്രോസിക്യൂഷന്‍ കേസിന്മേലുള്ള അന്വേഷണം ക്ലോസ് ചെയ്യുകയായിരുന്നു.
2020 മേയിലായിരുന്നു സംഭവം. ഫലസ്തീനിലെ അരയില്‍ നിന്നുള്ളയാളായിരുന്നു യൂനിസ്. ഇദ്ദേഹത്തിന് മാനസിക പ്രശ്‌നങ്ങളുണ്ടായിരുന്നെന്ന് മെഡിക്കല്‍ റിപ്പോര്‍ട്ടില്‍ പറയുന്നുണ്ട്.
എന്നാല്‍ സുരക്ഷാജീവനക്കാരന്‍ ‘നടപടിക്രമങ്ങള്‍ക്കനുസൃതമായാണ് പ്രവര്‍ത്തിച്ചത്’ എന്നായിരുന്നു ഇസ്രഈല്‍ പബ്ലിക് പ്രോസിക്യൂഷന്റെ നിരീക്ഷണം.
