ഇതൊരു തുടക്കം മാത്രമാണ്. ഈ സിസ്റ്റം വൃത്തിയാക്കണമെങ്കില്‍ ഇനിയും ഒരുപാട് കാര്യങ്ങള്‍ ചെയ്യണം; സമീര്‍ വാങ്കഡെയെ മാറ്റിയതില്‍ പ്രതികരിച്ച് നവാബ് മാലിക്
ഡൂള്‍ന്യൂസ് ഡെസ്‌ക്
Friday, 5th November 2021, 10:47 pm
മുംബൈ: ആര്യന്‍ ഖാന്‍ ഉള്‍പ്പെട്ട ലഹരിക്കടത്ത് കേസിലെ അന്വേഷണത്തില്‍ നിന്നും എന്‍.സി.ബി ഉദ്യോഗസ്ഥന്‍ സമീര്‍ വാങ്കഡെയെ മാറ്റിയതിന് പിന്നാലെ പ്രതികരണവുമായി എന്‍.സി.പി നേതാവ് നവാബ് മാലിക്. തന്റെ ട്വിറ്റര്‍ അക്കൗണ്ടിലൂടെയായിരുന്നു മാലികിന്റെ പ്രതികരണം.
”ആര്യന്‍ ഖാന്റേത് ഉള്‍പ്പെടെ അഞ്ച് കേസുകളില്‍ നിന്നും സമീര്‍ വാങ്കഡെയെ മാറ്റി. ഇത്തരത്തില്‍ 26 കേസുകളുണ്ട്. എല്ലാത്തിലും അന്വേഷണം ആവശ്യമാണ്.
ഇത് ഒരു തുടക്കം മാത്രമാണ്. ഈ സിസ്റ്റം വൃത്തിയാക്കിയെടുക്കണമെങ്കില്‍ ഇനിയും ഒരുപാട് കാര്യങ്ങള്‍ ചെയ്യേണ്ടതായുണ്ട്. നമ്മള്‍ അതെല്ലാം ചെയ്യും,” നവാബ് മാലിക് ട്വിറ്ററില്‍ കുറിച്ചു.
ആര്യന്‍ ഖാനെതിരായ കേസ് സഞ്ജയ് സിംഗിന്റെ നേതൃത്വത്തിലുള്ള എന്‍.സി.ബിയുടെ പ്രത്യേക അന്വേഷണ സംഘമാണ് ഇനി അന്വേഷിക്കുക.
