തന്റെ വീട്ടുമുറ്റത്ത് ടി.പി ചന്ദ്രശേഖരനെ വെട്ടിവീഴ്ത്താന്‍ ശ്രമം ഉണ്ടായിട്ടുണ്ട്: മുല്ലപ്പള്ളി രാമചന്ദ്രന്‍
ഡൂള്‍ന്യൂസ് ഡെസ്‌ക്
Sunday, 28th March 2021, 11:15 pm
കോഴിക്കോട്: തന്റെ വീട്ട് മുറ്റത്ത് ടി.പി ചന്ദ്രശേഖരനെ വെട്ടി വീഴ്ത്താന്‍ ശ്രമം ഉണ്ടായിട്ടുണ്ടെന്ന് കെ.പി.സി.സി അധ്യക്ഷന്‍ മുല്ലപ്പള്ളി രാമചന്ദ്രന്‍, മനോരമ ന്യൂസിന്റെ പ്രത്യേക തെരഞ്ഞെടുപ്പ് പരിപാടിയായ പൊരിഞ്ഞ പോരില്‍ സംസാരിക്കുകയായിരുന്നു അദ്ദേഹം.
ടി.പി ചന്ദ്രശേഖരന്‍ കൊല്ലപ്പെടുന്നതിന് ദിവസങ്ങള്‍ക്ക് മുമ്പ് ദല്‍ഹിയില്‍ നിന്ന് തിരികെയെത്തിയ തന്നെ കാണാന്‍ രാത്രി പന്ത്രണ്ട് മണിക്ക് ടി.പി ചന്ദ്രശേഖരന്‍ തന്റെ വീട്ടിലെത്തിയിരുന്നു.
ഗള്‍ഫ് മലയാളികളുടെ പ്രശ്‌നങ്ങളെ കുറിച്ച് സംസാരിക്കാനായിരുന്നു അദ്ദേഹം എത്തിയത്. തനിക്കെതിരെയുള്ള വധഭീഷണിയെ കുറിച്ചും ടി.പി ചന്ദ്രശേഖരന്‍ അന്ന് പറഞ്ഞിരുന്നെന്നും മുല്ലപ്പള്ളി രാമചന്ദ്രന്‍ പറഞ്ഞു.
