''ഇയാളെയൊക്കെ പിടിച്ച് ആരെങ്കിലും നായകനാക്കുവോ?''; മോഹന്‍ലാലിനെപ്പറ്റി പറഞ്ഞ ആദ്യ കമന്റ് ഇതായിരുന്നുവെന്ന് എം.ആര്‍. ഗോപകുമാര്‍
എന്റര്‍ടെയിന്‍മെന്റ് ഡെസ്‌ക്
Saturday, 17th July 2021, 3:49 pm
കൊച്ചി: ആദ്യമായി മോഹന്‍ലാല്‍ നായകനായി എത്തിയ ചിത്രത്തെക്കുറിച്ച് തനിക്ക് വലിയ പ്രതീക്ഷകളൊന്നുമുണ്ടായിരുന്നില്ലെന്ന് പറയുകയാണ് നടന്‍ എം.ആര്‍. ഗോപകുമാര്‍.
ഇയാളെയൊക്കെ ആരെങ്കിലും നായകനാക്കുവോ എന്നായിരുന്നു തന്റെ ആദ്യ ചിന്തയെന്ന് ഗോപകുമാര്‍ പറഞ്ഞു. ബിഹൈന്‍ഡ് വുഡ്‌സിന് നല്‍കിയ അഭിമുഖത്തിലാണ് അദ്ദേഹം തന്റെ ഓര്‍മ്മകള്‍ പങ്കുവെച്ചത്.
‘ഇയാളെ പിടിച്ച് ആരെങ്കിലും നായകനാക്കുവോ എന്ന് തോന്നിയിരുന്നു. നമ്മുടെ സങ്കല്‍പ്പത്തിലെ നായകനായി മമ്മൂക്ക നില്‍ക്കുകയല്ലേ. പക്ഷെ ലാല്‍ ആധികാരികമായി മനുഷ്യന്റെ ഹൃദയത്തിലേക്ക് ചാടിക്കയറുകയായിരുന്നു,’ ഗോപകുമാര്‍ പറഞ്ഞു.
മോഹന്‍ലാലും മമ്മൂട്ടിയും ജീനിയസ്സ് ആക്ടേഴ്‌സ് ആണെന്നും അതുകൊണ്ടാണ് രണ്ടുപേര്‍ക്കും ഇത്രയും കാലം സിനിമയില്‍ പിടിച്ച് നില്‍ക്കാന്‍ കഴിയുന്നതെന്നും ഗോപകുമാര്‍ പറഞ്ഞു.
