വയനാടിന്റെ വികസനത്തിനായി ഇടതുപക്ഷവുമായി ചേര്‍ന്ന് പ്രവര്‍ത്തിക്കുമെന്ന് രാഹുല്‍ ഗാന്ധി
ഡൂള്‍ന്യൂസ് ഡെസ്‌ക്
Tuesday, 27th August 2019, 9:16 pm
കല്‍പ്പറ്റ: വയനാടിന്റെ വികസനത്തിനായി ഇടതുപക്ഷവുമായി ചേര്‍ന്ന് പ്രവര്‍ത്തിക്കുമെന്ന് എം.പി രാഹുല്‍ ഗാന്ധി. വികസന പ്രവര്‍ത്തനങ്ങള്‍ക്ക് രാഷ്ട്രീയ ഭിന്നത മാറ്റിവെക്കണമെന്നും രാഹുല്‍ പറഞ്ഞു. വയനാട്ടിലെ പ്രളയ ബാധിത മേഖലകള്‍ സന്ദര്‍ശിക്കാന്‍ മണ്ഡലത്തിലെത്തിയതായിരുന്നു രാഹുല്‍.
നാല് ദിവസം നീളുന്ന മണ്ഡല പര്യടനത്തിന്റെ ആദ്യ ദിനത്തില്‍ ജില്ലയിലെ ആറ് ഇടങ്ങളിലാണ് രാഹുല്‍ സന്ദര്‍ശനം നടത്തിയത്. ഗ്രാമപ്രദേശങ്ങളിലൂടെയായിരുന്നു സന്ദര്‍ശനം. നാളെയും രാഹുല്‍ ജില്ലയില്‍ തങ്ങും.
