ന്യൂദല്‍ഹി: മോട്ടോറോളയുടെ മോട്ടോ- എക്‌സ്, ജി എന്നിവയുടെ  പിന്‍ഗാമികളെ പുറത്തിറക്കിയതിനു പിന്നാലെ മോട്ടോ-ഇ യുടേയും പുതിയ വേര്‍ഷന്‍ പുറത്തിക്കുന്നു. മോട്ടോ- ഇയുടെ പുതിയ പതിപ്പ് അടുത്തു തന്നെ ഇറങ്ങുമെന്നാണ് ഗ്രീക്ക് വെബ്‌സൈറ്റായ ടെക്ക്മാനിയാക്ക്‌സാണ് റിപ്പോര്‍ട്ട് പുറത്തുവിട്ടത്.

പുതിയ മോട്ടോ- ഇ യ്ക്ക് പഴയ വേര്‍ഷനുള്ളതുപോലെ 4.5 ഇഞ്ച് സ്‌ക്രീനും 960 x 540 പിക്‌സല്‍ ഡിസ്‌പ്ലെ റെസലൂഷനും തന്നെയാവുമെന്ന് പറയപ്പെടുന്നു. അതുപോലെ ഇതിന് 5 മെഗാപിക്‌സല്‍ ക്യാമറയും എല്‍.ടി.ഇ കണക്ടിവിറ്റിയും ഉണ്ടാവുമെന്നും പറയുന്നുണ്ട്.

നിലവിലുള്ള മോഡലിനെ പോലെ തന്നെയായിരിക്കും പുതിയ മോട്ടോ- ഇ എന്നും വാര്‍ത്തകളുണ്ട്. സ്‌നാപിഡ്രാഗണ്‍ 400 പ്രൊസസറും 1 ജി.ബി റാമും ആണ് നിലവിലുള്ള മോട്ടോ- ഇ യ്ക്ക് ഉള്ളത്. അതേ സമയം ഫോണിന്റെ വിലയെന്തെന്ന് റിപ്പോര്‍ട്ടില്‍ പറയുന്നില്ല. എന്നാല്‍ നല്ല വിലക്കുറവിലാിരിക്കുമെന്നും ആന്‍ഡ്രോയിഡ് ലോലിപ്പോപ്പ് 5.0 ആയിരിക്കും ഒ.എസ് എന്നും റിപ്പോര്‍ട്ടില്‍ പറയുന്നു.