'ആര്‍.ജെ.ഡിക്ക് അധികാരം ലഭിച്ചാല്‍ കശ്മീരിലെ തീവ്രവാദികള്‍ക്ക് ബീഹാറില്‍ അഭയം ലഭിക്കും'; മന്ത്രി നിത്യാനന്ദ് റായ്
ഡൂള്‍ന്യൂസ് ഡെസ്‌ക്
Wednesday, 14th October 2020, 4:52 pm
പട്‌ന: ബീഹാര്‍ തെരഞ്ഞെടുപ്പില്‍ ആര്‍.ജെ.ഡി വിജയിച്ചാല്‍ കശ്മീരിലെ തീവ്രവാദികള്‍ ബീഹാറിലെത്തുമെന്ന് ആഭ്യന്തര സഹമന്ത്രി നിത്യാനന്ദ് റായ്.
ഈ തെരഞ്ഞെടുപ്പില്‍ ആര്‍.ജെ.ഡി സര്‍ക്കാര്‍ രൂപീകരിച്ചാല്‍ കശ്മീരിലെ തീവ്രവാദികള്‍ ബീഹാറില്‍ അഭയം തേടും. അത് സംഭവിക്കാന്‍ ഞങ്ങള്‍ അനുവദിക്കില്ല എന്നാണ് വൈശാലിയില്‍ നടന്ന തെരഞ്ഞെടുപ്പില്‍ റാലിയില്‍ റായ് പറഞ്ഞത്.
റായിയുടെ പ്രസ്താവനയ്ക്ക് പിന്നാലെ കടുത്ത വിമര്‍ശനവുമായി ആര്‍.ജെ.ഡി രംഗത്തെത്തി. തെരഞ്ഞെടുപ്പിന്റെ അജണ്ടയെ തന്നെ മാറ്റി മറിക്കാനുള്ള ശ്രമമാണിതെന്നാണ് ആര്‍.ജെ.ഡി നേതാവ് തേജസ്വി യാദവ് പറഞ്ഞത്. എന്തുകൊണ്ടാണ് നിത്യാനന്ദ് റായ് തൊഴിലില്ലായ്മയുടേയും പട്ടിണിയുടേയും തീവ്രതയെക്കുറിച്ച് സംസാരിക്കാത്തതെന്ന് തേജസ്വി യാദവ് ചോദിച്ചു.
