ഡൂള്‍ന്യൂസ് ഡെസ്‌ക്1 hour ago
ഓസ്ട്രേലിയ-ന്യൂസിലാന്‍ഡ് രണ്ട് ടെസ്റ്റ് മത്സരങ്ങളുടെ പരമ്പരയിലെ അവസാന മത്സരത്തിന്റെ ആദ്യ ദിവസം അവസാനിച്ചിരിക്കുകയാണ്.
ആദ്യദിവസം കളി അവസാനിക്കുമ്പോള്‍ ഓസ്ട്രേലിയ 124 റണ്‍സിന് നാല് വിക്കറ്റുകള്‍ എന്ന നിലയിലാണ്. ആദ്യ ഇന്നിങ്സില്‍ ബാറ്റ് ചെയ്ത കിവീസ് 162 റണ്‍സിന് പുറത്താവുകയായിരുന്നു.
Stumps on Day 1 at Hagley Oval 🏏 Matt Henry (3-39) leads with the ball in the third session. Head to https://t.co/3YsfR1YBHU or the NZC App for the full scorecard 📲 #NZvAUS pic.twitter.com/GHBvyeFUwg
— BLACKCAPS (@BLACKCAPS) March 8, 2024
ഓസ്‌ട്രേലിയന്‍ ബൗളിങ് നിരയില്‍ സ്റ്റാര്‍ പേസര്‍ മിച്ചല്‍ സ്റ്റാര്‍ക്ക് മൂന്ന് വിക്കറ്റുകള്‍ വീഴ്ത്തി മികച്ച പ്രകടനമാണ് നടത്തിയത്. 12 ഓവറില്‍ ഒരു മെയ്ഡന്‍ ഉള്‍പ്പെടെ 58 റണ്‍സ് വിട്ടു നല്‍കിയാണ് സ്റ്റാര്‍ക്ക് മൂന്ന് വിക്കറ്റുകള്‍ സ്വന്തമാക്കിയത്.
ന്യൂസിലാന്‍ഡ് താരങ്ങളായ വില്ലി യങ്, ഗ്ലെന്‍ ഫിലിപ്‌സ്, സ്‌കോട്ട് കുഗ്ലെലിജിന്‍ എന്നിവരെയാണ് ഓസ്‌ട്രേലിയന്‍ താരം പുറത്താക്കിയത്.
ഇതിനു പിന്നാലെ ഒരു തകര്‍പ്പന്‍ നേട്ടമാണ് മിച്ചല്‍ സ്റ്റാര്‍ക്ക് സ്വന്തമാക്കിയത്. ടെസ്റ്റ് ക്രിക്കറ്റില്‍ ഓസ്‌ട്രേലിയക്കായി ഏറ്റവും കൂടുതല്‍ വിക്കറ്റുകള്‍ നേടുന്ന നാലാമത്തെ താരമെന്ന നേട്ടമാണ് മിച്ചല്‍ സ്റ്റാര്‍ക്ക് സ്വന്തമാക്കിയത്. ടെസ്റ്റ് ക്രിക്കറ്റില്‍ 357 വിക്കറ്റുകളാണ് സ്റ്റാര്‍ക്ക് നേടിയത്.
Overtaking a legend!
Mitch Starc moves into fourth spot on the Australian list #NZvAUS pic.twitter.com/cJR0vsmNUy
— cricket.com.au (@cricketcomau) March 8, 2024
355 വിക്കറ്റുകള്‍ നേടിയ ഡെന്നീസ് ലില്ലിയെ മറികടന്നു കൊണ്ടായിരുന്നു സ്റ്റാര്‍ക്കിന്റെ മുന്നേറ്റം.
ടെസ്റ്റ് ക്രിക്കറ്റില്‍ ഓസ്‌ട്രേലിയയിലേക്ക് ഏറ്റവും കൂടുതല്‍ വിക്കറ്റുകള്‍ നേടിയ താരം, വിക്കറ്റുകളുടെ എണ്ണം, ഇന്നിങ്‌സ് എന്നീ ക്രമത്തില്‍
ഷെയ്ന്‍ വോണ്‍-273-708
മഗ്രാത്ത്- 243-563
നഥാന്‍ ലിയോണ്‍-241-527
മിച്ചല്‍ സ്റ്റാര്‍ക്ക്-169-357
ഡെന്നിസ് ലില്ലീസ്-132-355
സ്റ്റാര്‍ക്കിന് പുറമെ ജോഷ് ഹേസല്‍വുഡ് അഞ്ച് ടിക്കറ്റുകള്‍ വീഴ്ത്തി മികച്ച പ്രകടനം നടത്തി. 13.2 ഓവറില്‍ നാലു മെയ്ഡന്‍ ഉള്‍പ്പെടെ 31 റണ്‍സ് വിട്ടു നല്‍കിയാണ് താരം അഞ്ച് വിക്കറ്റുകള്‍ സ്വന്തമാക്കിയത്. നായകന്‍ പാറ്റ് കമ്മിന്‍സ്, കാമറൂണ്‍ ഗ്രീന്‍ എന്നിവര്‍ ഓരോ വിക്കറ്റ് വീതവും വീഴ്ത്തി.
Five-wicket haul No.12 in Tests for Josh Hazlewood 🇦🇺 #NZvAUS pic.twitter.com/bttlUTLcAp
— cricket.com.au (@cricketcomau) March 8, 2024
മറുപടി ബാറ്റിങ്ങില്‍ കളി അവസാനിക്കുമ്പോള്‍ ഓസ്ട്രേലിയക്ക് നാല് വിക്കറ്റുകള്‍ നഷ്ടമായി. മൂന്ന് വിക്കറ്റുകള്‍ നേടി മാറ്റ് ഹെന്റി മികച്ച പ്രകടനം നടത്തി.
നിലവില്‍ കളി അവസാനിക്കുമ്പോള്‍ 80 പന്തില്‍ 45 റണ്‍സുമായി മാര്‍ണസ് ലബുഷാനും എട്ടു പന്തില്‍ ഒരു റണ്‍സുമായി നഥാന്‍ ലിയോണും ആണ് ക്രീസില്‍.
Content Highlight: Mitchell Starc create a new record
