'വര്‍ണാഭമായ പത്ര തലക്കെട്ടുകളിലൂടെയും മീഡിയ കോലാഹലങ്ങളിലൂടെയും സാമ്പത്തിക വ്യവസ്ഥയെ നിയന്ത്രിക്കാനാവില്ല'; നിര്‍മ്മല സീതാരാമനോടും മോദിയോടും മന്‍മോഹന്‍ സിംഗ്
ഡൂള്‍ന്യൂസ് ഡെസ്‌ക്
Monday, 18th November 2019, 8:25 pm
രാജ്യം വലിയ സാമ്പത്തിക പ്രതിസന്ധിയിലേക്കാണ് പോകുന്നതെന്ന റിപ്പോര്‍ട്ടുകള്‍ വന്നുകൊണ്ടിരിക്കേ പ്രതികരിച്ച് മുന്‍ പ്രധാനമന്ത്രിയും ധനകാര്യ വിദഗ്ധനുമായ മന്‍മോഹന്‍ സിംഗ്. വര്‍ണാഭമായ പത്ര തലക്കെട്ടുകളിലൂടെയും മീഡിയ കോലാഹലങ്ങളിലൂടെയും സാമ്പത്തിക വ്യവസ്ഥയെ നിയന്ത്രിക്കാനാവില്ലെന്നാണ് അദ്ദേഹം പറഞ്ഞു. ദ ഹിന്ദു ദിനപത്രത്തിലെഴുതിയ ലേഖനത്തിലൂടെയാണ് മുന്‍പ്രധാനമന്ത്രിയുടെ പ്രതികരണം.
സമ്പദ് വ്യവസ്ഥയുടെ മോശം അവസ്ഥയെക്കുറിച്ചു സംസാരിക്കുന്നവരെയും കണക്കു നിരത്തുന്നവരെയും അക്രമിക്കുന്നതു തീര്‍ത്തും അപക്വമാണ്. ലോകത്തെ മികച്ച സാമ്പത്തിക ശക്തിയാകാന്‍ ഇച്ഛിക്കുന്ന ഒരു രാജ്യത്തിന് ഒരിക്കലും ചേര്‍ന്നതല്ല അതെന്നും മന്‍മോഹന്‍ സിംഗ് പറഞ്ഞു.
