മറ്റുള്ളവരുടെ നന്മയാണ് നിങ്ങള്‍ ആഗ്രഹിക്കുന്നതെങ്കില്‍ ദൈവം നിന്നോടൊപ്പമുണ്ടാകും; വൈറലായി മഞ്ജു വാര്യരുടെ പുതിയ ഫോട്ടോ
എന്റര്‍ടെയിന്‍മെന്റ് ഡെസ്‌ക്
Saturday, 13th November 2021, 5:26 pm
മലയാളികള്‍ക്ക് ഏറെ പ്രിയപ്പെട്ട നടിയാണ് മഞ്ജു വാര്യര്‍. സിനിമയില്‍ നിന്നും കുറച്ചു നാള്‍ മാറി നിന്നങ്കിലും ഇപ്പോള്‍ മലയാള സിനിമയിലെ സജീവ സാന്നിധ്യമാണ് മഞ്ജു. താരം ഇപ്പോള്‍ പങ്കു വെച്ചിരിക്കുന്ന പുതിയ ഫോട്ടോയാണ് സമൂഹ മാധ്യമങ്ങളില്‍ തരംഗമാവുന്നത്.
‘നിങ്ങള്‍ സംസാരിക്കുന്ന വാക്കുകള്‍ നിങ്ങളുടെ ശരീരത്തില്‍ പ്രത്യക്ഷപ്പെടുന്നുവെങ്കില്‍ അവ മനോഹരമായിരിക്കുമോ?’ എന്ന ക്യാപ്ഷനോടെയാണ് താരം ഫോട്ടോ പോസ്റ്റ് ചെയ്തിരിക്കുന്നത്. രാജീവന്‍ ഫ്രാന്‍സിസാണ് ചിത്രമെടുത്തിരിക്കുന്നത്.
ഫോട്ടോയ്ക്ക് പിന്നാലെ നിരവധി ആരാധകരാണ് കമന്റുകളുമായി എത്തുന്നത്. ‘നിങ്ങള്‍ സത്യം പറയുകയാണെങ്കില്‍, നന്മയെക്കരുതി എന്തെങ്കിലും പറയുകയാണെങ്കില്‍ ദൈവം നിങ്ങളെ എന്നും അനുഗ്രഹിക്കും’, ‘നിങ്ങള്‍ എക്കാലത്തും ഒരു പ്രചോദനമാണ്’ എന്നിങ്ങനെയാണ് കമന്റുകള്‍.
