അക്കാലത്തെ എഞ്ചിനിയര്‍മാര്‍ നിര്‍മിച്ചതാണ് രാമ സേതു, സത്യമെന്താണെന്ന് മനസിലാക്കാന്‍ സിനിമ കാണൂ: അക്ഷയ് കുമാര്‍ ചിത്രത്തെ പ്രകീര്‍ത്തിച്ച് മധ്യപ്രദേശ് ആഭ്യന്തരമന്ത്രി
എന്റര്‍ടെയിന്‍മെന്റ് ഡെസ്‌ക്
Wednesday, 26th October 2022, 2:40 pm
ബോളിവുഡ് താരം അക്ഷയ് കുമാറിന്റെ പുതിയ ചിത്രം രാം സേതുവിനെ പ്രകീര്‍ത്തിച്ച് മധ്യപ്രദേശ് ആഭ്യന്തരമന്ത്രി നരോത്തം മിശ്ര. രാമ സേതുവും ഭഗവാന്‍ രാമനും രാമായണവും വെറും ഭാവനാ സൃഷ്ടികളാണെന്ന് അവകാശപ്പെടുന്നവര്‍ക്ക് ഈ സിനിമ കണ്ടാല്‍ സത്യമെന്താണെന്ന് മനസിലാവുമെന്ന് അദ്ദേഹം ട്വിറ്ററില്‍ കുറിച്ചു. അക്ഷയ് കുമാറിനും സിനിമയുടെ ടീമിനും നന്ദി പറഞ്ഞ നരോത്തം മിശ്ര എല്ലാവരും സിനിമ കാണണമെന്നും ആഹ്വാനം ചെയ്തു.
‘ഈ സിനിമ അത്ഭുതകരവും ഭാവനകള്‍ക്ക് അപ്പുറവുമാണ്. രാമ സേതുവിനെ കുറിച്ചുള്ള മിഥ്യകളും തെറ്റിധാരണകളും ഈ സിനിമ പൊളിച്ചെഴുതുന്നു. പ്രത്യേകിച്ചും രാമ സേതുവും ഭഗവാന്‍ രാമനും രാമായണവും വെറും ഭാവനാ സൃഷ്ടികളാണെന്ന് അവകാശപ്പെടുന്നവര്‍ക്ക് ഈ സിനിമ കണ്ടാല്‍ സത്യമെന്താണെന്ന് മനസിലാവും.
