പി.എസ്.ജിയില്‍ ചേരുന്നതിന് വേണ്ടി ഒരിക്കലും ബാഴ്‌സലോണ വിടാന്‍ ആഗ്രഹിച്ചിരുന്നില്ലെന്ന് ലയണല്‍ മെസി. ഒരു രാത്രി കൊണ്ടുണ്ടായ തീരുമാനമാണതെന്നും എന്നാല്‍ അവിടെ കാര്യങ്ങള്‍ തനിക്ക് പ്രതികൂലമായാണ് സംഭവിച്ചതെന്നും മെസി പറഞ്ഞു. ഇന്റര്‍ മയാമിയിലെത്തിയതിന് ശേഷമുള്ള ആദ്യ വാര്‍ത്താ സമ്മേളനത്തിലാണ് മെസി ഇക്കാര്യങ്ങള്‍ പങ്കുവെച്ചത്.
‘ഞാന്‍ പി.എസ്.ജിയില്‍ പോകാന്‍ വേണ്ടി ബാഴ്‌സലോണ വിടാന്‍ ഒരിക്കലും ആഗ്രഹിച്ചിരുന്നില്ല. അതൊരു രാത്രി കൊണ്ടുണ്ടായ തീരുമാനമായിരുന്നു. എനിക്ക് ബാഴ്‌സയില്‍ തന്നെ തുടരണമെന്നുണ്ടായിരുന്നു. പിന്നെ പോകേണ്ടതായി വന്നപ്പോള്‍ വ്യത്യസ്തമായതും ഞാന്‍ മുമ്പ് താമസിച്ചിട്ടില്ലാത്തതുമായ സിറ്റി തെരഞ്ഞെടുക്കുകയായിരുന്നു.
പക്ഷെ പാരീസില്‍ കാര്യങ്ങള്‍ സംഘര്‍ഷഭരിതമായിരുന്നു. എനിക്ക് വിപരീതമായിട്ടുള്ള കാര്യങ്ങളായിരുന്നു നടന്നുകൊണ്ടിരുന്നത്,’ മെസി പറഞ്ഞു.
A very, very, VERY special one-on-one w/ the one and only Lionel Messi as we talk about his time so far for Inter Miami, his reasons for coming, thoughts on MLS and the growth of the game in 🇺🇸. Much more to come on @SC_ESPN, @ESPNDeportes, @ESPNFC + @espn pic.twitter.com/YJgfHWMk3n
— Luis Miguel Echegaray (@lmechegaray) August 17, 2023
