'രണ്ട് മൂഡുകള്‍, രണ്ട് തരം പെര്‍ഫോമന്‍സുകള്‍'; മയാമിയിലേയും പി.എസ്.ജിയിലേയും മെസി, ഒരു താരതമ്യം
സ്പോര്‍ട്സ് ഡെസ്‌ക്
Thursday, 17th August 2023, 11:57 pm
ഇതിഹാസ താരം ലയണല്‍ മെസിയുടെ വരവോടെ ഇന്റര്‍ മയാമി വിജയപാതയില്‍ കുതിക്കുകയാണ്. ക്ലബ്ബിന്റെ രൂപീകരണത്തിന് ശേഷം ആദ്യമായി ലീഗ്‌സ് കപ്പ് ടൂര്‍ണമെന്റിന്റെ ഫൈനല്‍ കളിക്കാനൊരുങ്ങുകയാണ് ഇന്റര്‍ മയാമി.
ക്ലബ്ബിനായി ആസ്വദിച്ച് കളിക്കുന്ന മെസിയെയാണ് കാണാനാകുന്നത്. ആകെ കളിച്ച ആറ് മത്സരത്തിലും ഗോളടിക്കാന്‍ മെസിക്കായിരുന്നു. താരം കളിച്ച ആറ് മത്സരങ്ങലും ഇന്റര്‍ മയാമി വിജയിച്ചപ്പോള്‍ ആകെ ഒമ്പത് ഗോളുകള്‍ നേടാന്‍ മയാമിയുടെ പുതിയ നായകനായി. ഒരു അസിസ്റ്റാണ് ഇതുവരെ മെസിയുടെ പേരിലുള്ളത്.
ജോര്‍ധി ആല്‍ബ, സെര്‍ജിയോ ബുസ്‌ക്വെറ്റ്സ് തുടങ്ങിയ മുന്‍ ബാഴ്‌സ താരങ്ങളുടെ വരവും മെസിയുടെ പെര്‍ഫോമന്‍സിനെ വലിയ രീതിയില്‍ സഹായിച്ചിട്ടുണ്ടെന്നാണ് വിലയിരുത്തല്‍.
