തിരുവനന്തപുരം: കുവൈത്ത് ദുരന്തത്തിൽ പരിക്ക് പറ്റി ആശുപതിയിൽ കഴിയുന്ന 14 മലയാളികൾ അപകടനില തരണം ചെയ്തു. 14 മലയാളികള്‍ അടക്കം 31 ഇന്ത്യക്കാരാണ് നിലവിൽ ആശുപത്രികളില്‍ ചികിത്സയില്‍ കഴിയുന്നത്. ചികിത്സയിലുള്ള 14 മലയാളികളും അപകടനില തരണം ചെയ്തുവെന്ന പുതിയ വിവരമാണ് ആശുപത്രി അധികൃതർ നൽകുന്നത്.
കുവൈത്ത് ദുരന്തത്തിൽ മരിച്ച നാല് മലയാളികളുടെയും മൃതദേഹങ്ങൾ ഇന്ന് സംസ്കരിക്കും. ഇന്നലെ 12 പേരുടെ സംസ്കാരം നടന്നിരുന്നു. കൊല്ലം പുനലൂർ സ്വദേശി സാജൻ ജോർജ്, വിളച്ചിക്കാല സ്വദേശി ലൂക്കോസ്, പത്തനംതിട്ട പന്തളം സ്വദേശി ആകാശ് ശശിധരൻ, കണ്ണൂര്‍ കുറുവ സ്വദേശി അനീഷ് കുമാർ എന്നിവരുടെ സംസ്കാരമാണ് ഇന്ന് നടക്കുക.
