കൊല്‍ക്കത്തയിലെ മേല്‍പ്പാലം, അമേരിക്കയിലെ കെട്ടിടം; യോഗിയുടെ ഫോട്ടോഷോപ്പ് 'വികസന' പരസ്യം; കൈയ്യോടെ പിടികൂടി സോഷ്യല്‍ മീഡിയ
ഡൂള്‍ന്യൂസ് ഡെസ്‌ക്
Sunday, 12th September 2021, 3:56 pm
ലഖ്‌നൗ: നിയമസഭാ തെരഞ്ഞെടുപ്പിന് മുന്നോടിയായി സര്‍ക്കാരിന്റെ നേട്ടങ്ങള്‍ എടുത്തുകാട്ടാന്‍ യു.പി മുഖ്യമന്ത്രി ആദ്യത്യനാഥ് നല്‍കിയ പരസ്യം വിവാദത്തില്‍.
യു.പിയില്‍ നടത്തിയ വികസനമെന്ന രീതിയില്‍ പരസ്യത്തില്‍ യോഗി നല്‍കിയ ഫ്‌ളൈ ഓവറിന്റെ ചിത്രം ബംഗാളിലേതാണെന്ന് അവകാശപ്പെട്ട് തൃണമൂല്‍ കോണ്‍ഗ്രസ് രംഗത്തെത്തിയതോടെയാണ് സംഭവം വിവാദമായത്.
പരസ്യത്തിന് താഴെയുള്ള കൊളാഷിലാണ് കൊല്‍ക്കത്തയിലെ ഫ്‌ളൈ ഓവര്‍ ഉള്ളത്. നീലയും-വെള്ളയും കലര്‍ന്ന പെയിന്റും മഞ്ഞ ടാക്‌സികളും ഉള്ള ഫ്‌ളൈ ഓവര്‍ മമത ബാനര്‍ജിയുടെ സര്‍ക്കാര്‍ നിര്‍മ്മിച്ച സെന്‍ട്രല്‍ കൊല്‍ക്കത്തയിലെ ‘മാ ഫ്‌ളൈ ഓവര്‍’ ആണെന്ന് പല സോഷ്യല്‍ മീഡിയ ഉപയോക്താക്കളും തിരിച്ചറിഞ്ഞിട്ടുണ്ട്.
