നേരത്തെയുള്ള ഉത്തരവ് പുതുക്കി; കേരളത്തില്‍ മാസ്‌ക് നിര്‍ബന്ധമാക്കി വിജ്ഞാപനം
ഡൂള്‍ന്യൂസ് ഡെസ്‌ക്
Monday, 16th January 2023, 7:42 pm
തിരുവനന്തപുരം: മാസ്‌ക് നിര്‍ബന്ധമാക്കി കേരളാ സര്‍ക്കാര്‍ വീണ്ടും വിജ്ഞാപനം പുറപ്പെടുവിച്ചു. സാനിറ്റൈസര്‍ ഉപയോഗവും കര്‍ശനമാക്കി. ഒരു മാസത്തേക്കാണ് സര്‍ക്കാര്‍ സര്‍ക്കാര്‍ ഉത്തരവ്.
പൊതുസ്ഥലങ്ങളിലും പരിപാടികളിലും സാമൂഹിക അകലം പാലിക്കണമെന്നും സര്‍ക്കാര്‍ വിജ്ഞാപനത്തില്‍ പറയുന്നു.
ജനുവരി 12 എന്ന തിയ്യതിവെച്ചുള്ള വിജ്ഞാപനമാണ് ആരോഗ്യവകുപ്പ് സെക്രട്ടറിയുടേതായി പുറത്തുവന്നിട്ടുള്ളത്. എല്ലാ പ്രധാനപ്പെട്ട സ്ഥലങ്ങളിലും സാനിറ്റൈസര്‍ സൗകര്യം ഉറപ്പുവരുത്തണമെന്നും വിജ്ഞാപനത്തില്‍ പറയുന്നു.
പൊതുസ്ഥലങ്ങളില്‍ സാമൂഹിക അകലം ഉറപ്പാക്കണമെന്നും കടകളും സ്ഥാപനങ്ങളും സാനിറ്റൈസര്‍/സോപ്പുകള്‍ നല്‍കണമെന്നും വിജ്ഞാപനത്തില്‍ പറയുന്നു.
