പൗരത്വ നിയമത്തിനെതിരെയുള്ള പ്രക്ഷോഭങ്ങളില്‍ കോണ്‍ഗ്രസിനൊപ്പം തന്നെ; എന്‍.ഡി.എയുമായി സഖ്യത്തിനില്ലെന്നും കനിമൊഴി
ഡൂള്‍ന്യൂസ് ഡെസ്‌ക്
Sunday, 19th January 2020, 7:50 am
കോഴിക്കോട്: പൗരത്വ ഭേദഗതിനിയമത്തിനെതിരെയുള്ള പ്രതിഷേധത്തില്‍ ഡി.എം.കെ പ്രതിപക്ഷത്തിനൊപ്പം തന്നെയെന്ന് കനിമൊഴി. കോണ്‍ഗ്രസുമായി നേരിയ അഭിപ്രായ വ്യത്യാസമാണ് നിലനില്‍ക്കുന്നതെന്നും എന്‍.ഡി.എയുമായി സഖ്യമുണ്ടാക്കേണ്ട സാഹചര്യം ഇപ്പോഴില്ലെന്നും കനിമൊഴി വ്യക്തമാക്കി. ഏഷ്യാനെറ്റ് ന്യൂസിനോടായിരുന്നു കനിമൊഴിയുടെ പ്രതികരണം.
പൗരത്വ ഭേദഗതി നിയമത്തിനെതിരെ സോണിയ ഗാന്ധി വിളിച്ച യോഗത്തില്‍ പങ്കെടുക്കാത്തതിന് മറ്റു ചില കാരണങ്ങള്‍ ഉണ്ടെന്നും എന്നാല്‍ പൗരത്വ ഭേദഗതി നിയമത്തിനെതിരെയുള്ള പ്രക്ഷോഭങ്ങളില്‍ പ്രതിപക്ഷത്തിനൊപ്പം യോജിച്ചു തന്നെ മുന്നോട്ടു പോവുമെന്നും കനിമൊഴി വ്യക്തമാക്കി.
