പ്രതിഫലമായി ചിത്ര രണ്ട് ഗ്രൗണ്ട് സ്ഥലം വാങ്ങിത്തന്നു, 20 വര്‍ഷത്തിന് ശേഷം അത് വിറ്റപ്പോള്‍ 60 ലക്ഷത്തോളം രൂപ കിട്ടി; കൈതപ്രം പറയുന്നു
എന്റര്‍ടെയിന്‍മെന്റ് ഡെസ്‌ക്
Sunday, 31st January 2021, 1:43 pm
ഗായിക ചിത്രയ്ക്കു വേണ്ടി പാട്ടുകള്‍ എഴുതിയതിനെക്കുറിച്ചും ഗാനരംഗത്ത് ചിത്രയുമായുള്ള മറ്റ് അനുഭവങ്ങളെക്കുറിച്ചും പറയുകയാണ് കൈതപ്രം ദാമോദരന്‍ നമ്പൂതിരി.
ചിത്ര തനിക്ക് അനിയത്തിയെപ്പോലെയാണെന്നും അഞ്ചോ ആറോ വയസ്സുള്ളപ്പോള്‍ ആകാശവാണി തിരുവനന്തപുരം നിലയത്തിലേക്ക് സംഗീതസംവിധായകന്‍ എം.ജി രാധാകൃഷ്ണന്റെ കൈപിടിച്ചുവന്ന ചിത്രയാണ് ഇന്നും തന്റെ ഓര്‍മകളില്‍ ഉള്ളതെന്നും ഗൃഹലക്ഷ്മിക്ക് നല്‍കിയ അഭിമുഖത്തില്‍ കൈതപ്രം പറയുന്നു.
സംഗീത സംവിധായകന്‍ വിദ്യാസാഗറും കൈതപ്രവും ചേര്‍ന്ന് ചിത്രക്കുവേണ്ടി ഒരു അയ്യപ്പഭക്തിഗാന ആല്‍ബം ചെയ്തിരുന്നുവെന്നും അതിന് പ്രതിഫലമായി മദ്രാസില്‍ ചിത്ര തനിക്ക് രണ്ട് ഗ്രൗണ്ട് സ്ഥലം വാങ്ങിത്തന്നുവെന്നും കൈതപ്രം പറഞ്ഞു.
