'ഞാന്‍ പറയുന്ന കാര്യമാണ് പലപ്പോഴും രണ്ടു ദിവസം കഴിഞ്ഞ് രമേശ് ചെന്നിത്തല പറയുന്നത് '; കെ.സുരേന്ദ്രന്‍
ഡൂള്‍ന്യൂസ് ഡെസ്‌ക്
Sunday, 29th November 2020, 2:32 pm
ഭരണപക്ഷവും പ്രതിപക്ഷവും വിവിധ വിഷയങ്ങളില്‍ തനിക്കെതിരെ ഉയര്‍ത്തുന്ന ആരോപണങ്ങള്‍ക്ക് മറുപടി പറഞ്ഞ് ബി.ജെ.പി സംസ്ഥാന പ്രസിഡണ്ട് കെ.സുരേന്ദ്രന്‍. മനോരമയ്ക്ക് നല്‍കിയ അഭിമുഖത്തിലാണ് രമേശ് ചെന്നിത്തലയെ ഉള്‍പ്പെടെ പേരെടുത്തു പറഞ്ഞുകൊണ്ട് സുരേന്ദ്രന്റെ മറുപടി.
പലപ്പോഴും താന്‍ പറയുന്ന കാര്യം തന്നെയായിരിക്കും രണ്ട് ദിവസം കഴിഞ്ഞ് രമേശ് ചെന്നിത്തല പറയുകയെന്നാണ് അഭിമുഖത്തില്‍ സുരേന്ദ്രന്‍ പറയുന്നത്. കെ.സുരേന്ദ്രന്‍ വിടുവായിത്തം പറയുന്നു എന്നു മുഖമന്ത്രി പരിഹസിക്കുന്നു, താങ്കള്‍ നിലവാരമില്ലാത്ത നേതാവാണെന്ന് ഇ.പി ജയരാജന്‍ പറയുന്നു, പ്രതിപക്ഷ നേതാവും താങ്കളെ ആക്ഷേപിക്കുന്നു ഇതിനെയെല്ലാം എങ്ങനെ നോക്കിക്കാണുന്നു എന്ന അഭിമുഖം നടത്തുന്നയാളുടെ ചോദ്യത്തിനായിരുന്നു സുരേന്ദ്രന്റെ മറുപടി.
