മുന്‍ സുപ്രീം കോടതി ജഡ്ജ് മാര്‍ക്കണ്ഡേയ കട്ജുവാണ് സംഭവം വിശദീകരിച്ച് ഫേസ്ബുക്കില്‍ കുറിച്ചത്. ‘ഇപ്പോഴും ഇന്ത്യയില്‍ ഇങ്ങനെയുള്ള ന്യായാധിപന്മാരുണ്ട് എന്നതില്‍ ഞാന്‍ അഭിമാനിക്കുന്നു’ എന്നും അദ്ദേഹം കുറിപ്പില്‍ വ്യക്തമാക്കി.
തന്റെ മുടങ്ങിപോയ ക്ഷേമ പെന്‍ഷന്‍ ലഭിക്കാന്‍ വേണ്ടി നല്‍കിയ പരാതിയില്‍ വാദം കേള്‍ക്കാനായിരുന്നു വൃദ്ധ കോടതിയില്‍ എത്തിയത്. എന്നാല്‍ ശാരീരിക ബുദ്ധിമുട്ടുകള്‍ കാരണം പടികള്‍ കയറാന്‍ സാധിക്കാതിരുന്ന സ്ത്രീ കോടതിയ്ക്ക് മുന്നില്‍ ഇരിക്കുകയായിരുന്നു.
കോടതിയിലെ ക്ലര്‍ക്ക് പറഞ്ഞ് കാര്യമറിഞ്ഞ ജില്ലാ ജഡ്ജ് പ്രധാനപ്പെട്ട ഫയലുകളുമെടുത്ത് തന്റെ സീറ്റില്‍ നിന്നുമിറങ്ങി കോടതിയ്ക്ക് മുന്നിലേക്ക് വരികയായിരുന്നു.
സ്ത്രീക്കൊപ്പം കോടതിയ്ക്ക് മുന്‍വശത്തെ പടിയിലിരുന്ന ജഡ്ജ് അവരുടെ പ്രശ്‌നം കേള്‍ക്കുകയും കേസില്‍ പരിഹാരമുണ്ടാക്കി കൊടുക്കുകയും ചെയ്തു.
