കിട്ടേണ്ടതൊക്കെ കിട്ടിയല്ലോ? സമാധാനമായല്ലോ; വിമര്‍ശകരുടെ വായടപ്പിച്ച് ബുംറ
സ്പോര്‍ട്സ് ഡെസ്‌ക്
Thursday, 13th January 2022, 1:21 pm
ഇന്ത്യയും ദക്ഷിണാഫ്രിക്കയും തമ്മില്‍ നടക്കുന്ന ടെസ്റ്റ് പരമ്പരയില്‍ ഉജ്ജ്വല ഫോമിലാണ് ജസ്പ്രീത് ബുംറ. തന്റെ കരിയറിലെ ഏഴാമത് അഞ്ച് വിക്കറ്റ് നേട്ടം ആഘോഷിച്ചാണ് താരം ടീമിനൊപ്പം കുതിപ്പ് തുടരുന്നത്.
കേവലം 42 റണ്‍സ് മാത്രം വിട്ടുകൊടുത്ത് 5 വിക്കറ്റ് നേടിയ ബുംറയാണ് ദക്ഷിണാഫ്രിക്കന്‍ കുതിപ്പ് 210 റണ്‍സില്‍ അവസാനിപ്പിച്ചത്. കുറഞ്ഞ റണ്‍സിന്റെയെങ്കിലും ലീഡോഡെയാണ് ഇന്ത്യ രണ്ടാം ഇന്നിംഗ്‌സ് തുടങ്ങിയത്.
ഇന്ത്യ പരാജയപ്പെട്ട രണ്ടാം ടെസ്റ്റില്‍ താരത്തിന് കാര്യമായി ഒന്നും ചെയ്യാന്‍ കഴിഞ്ഞില്ല. 17 ഓവറില്‍ 70 റണ്‍സ് വഴങ്ങിയ ബുംറയ്ക്ക് വിക്കറ്റുകളൊന്നും തന്നെ നേടാനും സാധിച്ചിരുന്നില്ല.
രണ്ടാം ടെസ്റ്റിലെ മോശം പ്രകടനത്തെ തുടര്‍ന്ന് വ്യാപകമായ വിമര്‍ശനങ്ങളായിരുന്നു താരത്തിന് നേരിടേണ്ടി വന്നത്.എന്നാല്‍ ഇപ്പോഴിതാ വിമര്‍ശനങ്ങള്‍ക്ക് മറുപടിയുമായെത്തിയിരിക്കുകയാണ് താരം.
