ജിൻസി വി ഡേവിഡ് 26 min
ഐ.പി.എല്ലില്‍ വീണ്ടും വെടിക്കെട്ട് അര്‍ധ സെഞ്ച്വറിയുമായി ലഖ്‌നൗ സൂപ്പര്‍ ജയന്റ്‌സിന്റെ കരീബിയന്‍ കരുത്തന്‍ നിക്കോളാസ് പൂരന്‍. സണ്‍റൈസേഴ്‌സ് ഹൈദരാബാദിനെതിരെ അവരുടെ തട്ടകത്തില്‍ നടക്കുന്ന മത്സരത്തില്‍ 26 പന്തില്‍ 75 റണ്‍സുമായാണ് താരം കളം വിട്ടത്.
നേരിട്ട 18ാം പന്തില്‍ അര്‍ധ സെഞ്ച്വറി പൂര്‍ത്തിയാക്കിയ പൂരന്‍ ആറ് വീതം സിക്‌സറും ഫോറും ഉള്‍പ്പടെയാണ് ഒരിക്കല്‍ക്കൂടി തന്റെ ബ്രൂട്ടല്‍ ഹാര്‍ഡ് ഹിറ്റിങ് ക്രിക്കറ്റ് ലോകത്തിന് കാണിച്ചുകൊടുത്തത്.
Pooran with the fastest fifty of IPL 2025 🔥 pic.twitter.com/LZRGVNRMXu
— Lucknow Super Giants (@LucknowIPL) March 27, 2025
269.23 എന്ന സ്‌ട്രൈക്ക് റേറ്റിലായിരുന്നു താരത്തിന്റെ വെടിക്കെട്ട്. ഒടുവില്‍ സണ്‍റൈസേഴ്‌സ് നായകന്‍ പാറ്റ് കമ്മിന്‍സിന്റെ പന്തില്‍ വിക്കറ്റിന് മുമ്പില്‍ കുടങ്ങിയാണ് താരം മടങ്ങിയത്.
ഈ വെടിക്കെട്ടിന് പിന്നാലെ ഒരു തകര്‍പ്പന്‍ നേട്ടവും പൂരന്റെ പേരില്‍ കുറിക്കപ്പെട്ടു. ഐ.പി.എല്ലില്‍ 250+ സ്‌ട്രൈക്ക് റേറ്റില്‍ ഏറ്റവുമധികം തവണ അര്‍ധ സെഞ്ച്വറി നേടിയ താരമെന്ന നേട്ടമാണ് പൂരന്‍ സ്വന്തമാക്കിയത്.
Bhaukaal x 100 🔥 pic.twitter.com/QdmhD30k07
— Lucknow Super Giants (@LucknowIPL) March 27, 2025
ഇത്തരത്തില്‍ ഇത് നാലാം തവണയാണ് പൂരന്‍ ഫിഫ്റ്റിയടിക്കുന്നത്. നിലവില്‍ കരിബീയന്‍ സൂപ്പര്‍ താരം കെയ്‌റോണ്‍ പൊള്ളാര്‍ഡിനൊപ്പം ഈ റെക്കോഡില്‍ ഒന്നാം സ്ഥാനം പങ്കിടുകയാണ് പൂരന്‍.
(താരം – അര്‍ധ സെഞ്ച്വറി എന്നീ ക്രമത്തില്‍)
നിക്കോളാസ് പൂരന്‍ – 4 തവണ*
കെയ്‌റോണ്‍ പൊള്ളാര്‍ഡ് – 4 തവണ
ജേക് ഫ്രേസര്‍ മക്ഗൂര്‍ക് – 3 തവണ
ട്രാവിസ് ഹെഡ് – 3 തവണ
എ.ബി ഡി വില്ലിയേഴ്‌സ് – 2 തവണ
ആന്ദ്രേ റസല്‍ – 2 തവണ
യൂസുഫ് പത്താന്‍ – 2 തവണ
ഹര്‍ദിക് പാണ്ഡ്യ – 2 തവണ
സുനില്‍ രനെയ്ന്‍ – 2 തവണ
ഇഷാന്‍ കിഷന്‍ – 2 തവണ
ഡേവിഡ് മില്ലര്‍ – 2 തവണ
അതേസമയം, 14 ഓവര്‍ പിന്നിടുമ്പോള്‍ നാല് വിക്കറ്റ് നഷ്ടത്തില്‍ 163 എന്ന നിലയിലാണ് എല്‍.എസ്.ജി. 14 പന്തില്‍ 15 റണ്‍സുമായി റിഷബ് പന്തും മൂന്ന് പന്തില്‍ ആറ് റണ്‍സുമായി ഡേവിഡ് മില്ലറുമാണ് ക്രീസില്‍.
സണ്‍റൈസേഴ്‌സ് ഹൈദരാബാദ് പ്ലെയിങ് ഇലവന്‍
ട്രാവിസ് ഹെഡ്, അഭിഷേക് ശര്‍മ, ഇഷാന്‍ കിഷന്‍, നിതീഷ് കുമാര്‍ റെഡ്ഡി, ഹെന്റിക് ക്ലാസന്‍ (വിക്കറ്റ് കീപ്പര്‍), അനികേത് വര്‍മ, അഭിനവ് മനോഹര്‍, പാറ്റ് കമ്മിന്‍സ് (ക്യാപ്റ്റന്‍), സിമര്‍ജീത് സിങ്, ഹര്‍ഷല്‍ പട്ടേല്‍, മുഹമ്മദ് ഷമി.
ലഖ്‌നൗ സൂപ്പര്‍ ജയന്റ്‌സ് പ്ലെയിങ് ഇലവന്‍
ഏയ്ഡന്‍ മര്‍ക്രം, നിക്കോളാസ് പൂരന്‍, റിഷബ് പന്ത് (ക്യാപ്റ്റന്‍, വിക്കറ്റ് കീപ്പര്‍), ഡേവിഡ് മില്ലര്‍, ആയുഷ് ബദോണി, അബ്ദുള്‍ സമദ്, ഷര്‍ദുല്‍ താക്കൂര്‍, പ്രിന്‍സ് യാദവ്, രവി ബിഷ്‌ണോയ്, ആവേശ് ഖാന്‍, ദിഗ്വേഷ് സിങ്.
Content Highlight: IPL 2025: LSG vs SRH: Nicholas Pooran smashed 4th IPL half century with 250.00+ strike rate
