ക്രിക്കറ്റ് ലോകത്ത് ഇപ്പോള്‍ ചര്‍ച്ചയാവുന്നത് ഐസ്‌ലാന്റ് ക്രിക്കറ്റ് ബോര്‍ഡ് പങ്കുവെച്ച ഒരു ട്വീറ്റാണ്. കഴിവ് മാത്രമല്ല ഭാഗ്യനിര്‍ഭാഗ്യങ്ങളാണ് ക്രിക്കറ്റില്‍ ഒരു കളിക്കാരനെ സ്വാധീനിക്കുന്നത് എന്നാണ് അവര്‍ പറയുന്നത്.
ഭാഗ്യവും സാഹചര്യവുമാണ് ഓരോ ക്രിക്കറ്ററുടെ ജീവിതത്തില്‍ നിര്‍ണായകമാവുന്നതെന്നും, അവര്‍ ജനിച്ചത് ശരിയായ സ്ഥലത്തായതുകൊണ്ടാണ് അവര്‍ ക്രിക്കറ്റില്‍ എന്തെങ്കിലുമൊക്കെ ആയിത്തീര്‍ന്നതെന്നുമാണ് ഐസ്‌ലാന്റ് ക്രിക്കറ്റ് ബോര്‍ഡ് പറയുന്നത്.
രവിചന്ദ്ര അശ്വിന്‍ ജനിച്ചത് ശ്രീലങ്കയിലായിരുന്നെങ്കില്‍ മുത്തയ്യ മുരളീധരനെ പോലെ 800 വിക്കറ്റുകളെങ്കിലും നേടിയാവും കരിയര്‍ അവസാനിക്കുക എന്നാണ് ഐസ്‌ലാന്റ് ക്രിക്കറ്റ് ബോര്‍ഡിന്റെ നിരീക്ഷണം.
Context and luck is everything in life. If Ravi Ashwin had been born in Sri Lanka, he would probably end his career with as many wickets as Muralitharan. If Don Bradman had been born in Iceland, he’d have scored no international runs and been a below par fisherman. That’s life.
— Iceland Cricket (@icelandcricket) December 24, 2021
ക്രിക്കറ്റ് ഇതിഹാസം സര്‍ ഡൊണാള്‍ഡ് ബ്രാഡ്മാന്‍ ജനിച്ചത് ഐസ്‌ലാന്റിലായിരുന്നെങ്കില്‍ അന്താരാഷ്ട്ര ക്രിക്കറ്റില്‍ ഒരു റണ്‍സ് പോലും എടുക്കാന്‍ സാധിക്കാതെ ഇവിടങ്ങളില്‍ മീന്‍ പിടുത്തക്കാരനായി ജീവിച്ച് മരിക്കേണ്ടി വന്നേനെ എന്നും അവര്‍ പറയുന്നു.
ഇതിന് പിന്നാലെ നിരവധി രസകരമായി മറുപടിയും ആരാധകരുടെ ഭാഗത്ത് നിന്നും ഉണ്ടാവുന്നുണ്ട്.
‘ഒരുപക്ഷേ വിരാട് കോഹ്‌ലി ജനിച്ചത് സൗത്ത് ആഫ്രിക്കയിലായിരുന്നെങ്കില്‍ മിക്കവാറും ഒരു ക്ലബ് ക്രിക്കറ്റര്‍ മാത്രം ആവേണ്ടി വന്നേനെ,’ ‘ഡി വില്ലിയേഴ്‌സ് ഇന്ത്യയിലായിരുന്നു ജനിച്ചതെങ്കില്‍ മറ്റേത് താരത്തേക്കാളും പ്രശസ്തനായേനേ,’ തുടങ്ങി നീണ്ടുപോവുന്നു ആരാധകരുടെ കമന്റുകള്‍.
If Virat Kohli was born in South Africa he’d probably be a club cricketer.
— Dan Cricket (@DanCricket93) December 24, 2021
If ABD was born In India he would probably get more hype than other cricket players pic.twitter.com/XF0ooDcFpb
— Sherlòck🥤#ThankYouAB (@The_Savage_V) December 24, 2021
If Don was born a South African, he would Kolpak and then start playing for Eng and would score at 99.94 against the Aussies.
— Scott Richards (@cricketrscott) December 24, 2021
If India and Pakistan wouldn’t have been divided, Sachin or Wasim or many other legends wouldn’t have got chance !?? Including no Bangladesh team !!
— Chirayu R. Mankad🇮🇳 (@cmankad) December 24, 2021
ഒരേ സമയം ചിരിപ്പിക്കുകയും ചിന്തിപ്പിക്കുകയും ചെയ്യുന്നതാണ് ഐസ്‌ലാന്റ് ക്രിക്കറ്റ് ബോര്‍ഡിന്റെ ട്വീറ്റ്. ഐ.സി.സിയുടെ കീഴിലുള്ള ഒരു ക്രിക്കറ്റ് ബോര്‍ഡിന്റെ ദുരവസ്ഥ കൂടിയാണ് ഐസ്‌ലാന്റ് പറയാതെ പറയുന്നത്.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content Highlight: Iceland Cricket’s tweet goes viral
