കനത്ത മഴയില്‍ ഭവാനിപ്പുഴയില്‍ മലവെള്ളപ്പാച്ചില്‍ രൂക്ഷം; അട്ടപ്പാടി വനമേഖലയില്‍ പത്തംഗ പൊലീസ് സംഘം കുടുങ്ങി
ഡൂള്‍ന്യൂസ് ഡെസ്‌ക്
Saturday, 19th September 2020, 11:09 pm
അട്ടപ്പാടി: കനത്തമഴയെത്തുടര്‍ന്ന് ഭവാനിപ്പുഴയില്‍ മലവെള്ളപ്പാച്ചില്‍ രൂക്ഷം. അട്ടപ്പാടി വനമേഖലയില്‍ തെരച്ചിലിന് പോയ പൊലീസ് സംഘം വനത്തില്‍ കുടുങ്ങിയതായി റിപ്പോര്‍ട്ടുകള്‍.
മലവെള്ളപ്പാച്ചിലിനെത്തുടര്‍ന്ന് പത്തംഗം പൊലീസ് സംഘമാണ് വനത്തിനുള്ളില്‍ കുടുങ്ങിക്കിടക്കുന്നത്. നക്‌സല്‍ വിരുദ്ധ സേനയിലെ അഞ്ചുപേരും തണ്ടര്‍ബോള്‍ട്ട് കമാന്‍ഡോയിലെ നാല്‌പേരും ഒരു എസ്.ഐയുമാണ് ഈ സംഘത്തിലുള്ളത്.
ബംഗാള്‍ ഉള്‍ക്കടലില്‍ ന്യൂനമര്‍ദ്ദം രൂപപ്പെട്ടതിനാല്‍ സംസ്ഥാനത്ത് കനത്ത മഴ തുടരുകയാണ്. ഇടുക്കി, കണ്ണൂര്‍, കാസര്‍ഗോഡ് ജില്ലകളില്‍ ഇന്ന് റെഡ് അലര്‍ട്ട് പ്രഖ്യാപിച്ചിരിക്കുകയാണ്. തിരുവനന്തപുരം, കൊല്ലം,പത്തനംതിട്ട ജില്ലകളില്‍ യെല്ലോ അലര്‍ട്ട് പ്രഖ്യാപിച്ചിട്ടുണ്ട്.
