ഒന്ന് പോവാന്‍ പറ; ബി.സി.സി.ഐ പ്രസിഡന്റിനെ തള്ളി ഹര്‍ദിക് പാണ്ഡ്യ
സ്പോര്‍ട്സ് ഡെസ്‌ക്
Monday, 7th February 2022, 10:46 pm
ബി.സി.സി.ഐ അധ്യക്ഷന്‍ സൗരവ് ഗാംഗുലിയുടെ നിര്‍ദേശങ്ങളെ പാടെ അവഗണിച്ച് ഇന്ത്യന്‍ ഓള്‍ റൗണ്ടര്‍ ഹര്‍ദിക് പാണ്ഡ്യ. ഹര്‍ദിക് ആഭ്യന്തര ടൂര്‍ണമെന്റുകളില്‍ കളിക്കണം എന്ന ഗാംഗുലിയുടെ നിര്‍ദേശത്തെയാണ് താരം പാടെ അവഗണിച്ചത്.
രഞ്ജി ട്രോഫിയില്‍ ബറോഡയ്ക്ക് വേണ്ടി കളിക്കണമെന്നായിരുന്നു ഗാംഗുലി നിര്‍ദേശിച്ചത്. എന്നാല്‍ വൈറ്റ്‌ബോള്‍ ക്രിക്കറ്റില്‍ ശ്രദ്ധ കേന്ദ്രീകരിക്കുന്നതിനായാണ് താരം രഞ്ജിയില്‍ നിന്നും വിട്ടു നില്‍ക്കുന്നതെന്നാണ് റിപ്പോര്‍ട്ടുകള്‍.
അതേസമയം, രഞ്ജിക്കുള്ള ബറോഡ ടീമിനെ കഴിഞ്ഞ ദിവസം പ്രഖ്യാപിച്ചിരുന്നു. 20 അംഗ ടീമില്‍ ഹര്‍ദിക് ഉണ്ടാവുമെന്നുള്ള അഭ്യൂഹങ്ങളുണ്ടായിരുന്നെങ്കിലും താരം ടീമില്‍ ഇടം പിടിച്ചിട്ടില്ല.
