ജേര്‍ണലിസ്റ്റുകള്‍ക്ക് അവരുടെ സാധന സാമഗ്രികള്‍ എടുക്കാന്‍ പത്ത് മിനുട്ട് തരണമെന്ന് അപേക്ഷിച്ച് ജലാ ടവര്‍ ഉടമ; നിഷേധിച്ച് സൈന്യം
ഡൂള്‍ന്യൂസ് ഡെസ്‌ക്
Saturday, 15th May 2021, 11:02 pm
ഗാസ: ഗാസയില്‍ ഇസ്രാഈല്‍ സേന നടത്തിയ വ്യോമാക്രമണത്തില്‍ അല്‍ജസീറ, അസോസിയേറ്റഡ് പ്രസ് എന്നീ മാധ്യമ സ്ഥാപനങ്ങള്‍ പ്രവര്‍ത്തിച്ചിരുന്ന കെട്ടിടം തകര്‍ന്നിരുന്നു. ജലാ ടവര്‍ എന്ന കെട്ടിടമാണ് ആക്രമണത്തില്‍ തകര്‍ന്നത്.
ആക്രമണത്തിന് ഒരു മണിക്കൂര്‍ മുമ്പ് തനിക്ക് ഒരു ഫോണ്‍ കോള്‍ വന്നെന്നും എത്രയും പെട്ടന്ന് കെട്ടിടമൊഴിപ്പിക്കാന്‍ ഇസ്രാഈല്‍ ഇന്റലിജന്‍സ് വകുപ്പ് ഉദ്യോഗസ്ഥന്‍ മുന്നറിയിപ്പ് നല്‍കിയെന്നുമാണ് ജലാ ടവര്‍ ഉടമ ജാവദ് മെഹ്ദി പറയുന്നത്.
എ.എഫ്.പിക്ക് ലഭിച്ച ശബ്ദരേഖ പ്രകാരം ഒരു 10 മിനുട്ട് സമയം കൂടി തനിക്ക് അധികം അനുവദിക്കണമെന്നും ജേര്‍ണലിസ്റ്റുകള്‍ക്ക് അവരുടെ സാധന സാമഗ്രികള്‍ എടുക്കാനുണ്ടെന്നും അദ്ദേഹം ഇസ്രാഈല്‍ ഉദ്യോഗസ്ഥനോട് അപേക്ഷിക്കുന്നതായി കേള്‍ക്കാം.എന്നാല്‍ ഉദ്യോഗസ്ഥന്‍ അത് പാടെ അവഗണിക്കുയായിരുന്നു.
