'ഇത് എന്റെ ഘര്‍ വാപസി'; മധ്യപ്രദേശില്‍ കോണ്‍ഗ്രസിന് വോട്ടു ചെയ്ത ബി.ജെ.പി എം.എല്‍.എ പറയുന്നു
ഡൂള്‍ന്യൂസ് ഡെസ്‌ക്
Wednesday, 24th July 2019, 9:15 pm
ഭോപാല്‍: ‘ഇത് എന്റെ ഘര്‍വാപസിയാണ്’ മധ്യപ്രദേശില്‍ കോണ്‍ഗ്രസ് സര്‍ക്കാര്‍ കൊണ്ടു വന്ന ബില്ലിന് അനുകൂലമായി വോട്ടു ചെയ്ത എം.എല്‍.എമാരിലൊരാളായ നാരായണ്‍ ത്രിപാഠിയുടെ വാക്കുകളാണിത്. വോട്ടെടുപ്പിന് പിന്നാലെയായിരുന്നു അദ്ദേഹത്തിന്റെ പ്രതികരണം.
കോണ്‍ഗ്രസ് എം.എല്‍.എയായിരുന്ന നാരായണ്‍ ത്രിപാഠി 2014ല്‍ ബി.ജെ.പിയിലേക്ക് കൂടുമാറിയ ആളാണ്. നാരായണ്‍ ത്രിപാഠിയെ കൂടാതെ ബി.ജെ.പി എം.എല്‍.എയായ ശരദ് കോളാണ് കോണ്‍ഗ്രസിന് അനുകൂലമായി വോട്ടു ചെയ്തത്.
മധ്യപ്രദേശ് സര്‍ക്കാരിനെ താഴെയിടുമെന്ന് ബി.ജെ.പി ഭീഷണി മുഴക്കി മണിക്കൂറുകള്‍ക്കുള്ളിലാണ് നിയമസഭയില്‍ കോണ്‍ഗ്രസ് സര്‍ക്കാര്‍ കൊണ്ടു വന്ന ക്രിമിനല്‍ ഭേദഗതി ബില്ലിനെ അനുകൂലിച്ച് രണ്ട് ബി.ജെ..പി എം.എല്‍.എമാര്‍ വോട്ടു ചെയ്തത്.
