ടിക് ടോക് റോസ്റ്റിംഗ് വീഡിയോയിലൂടെ ആരാധകരെ സ്വന്തമാക്കിയ അര്‍ജുനെ പരിഹസിച്ച് വീഡിയോയുമായി ടിക് ടോക് താരവും ബിഗ് ബോസ് മത്സരാര്‍ത്ഥിയുമായ ഫുക്രു. ഫുക്രു വ്‌ളോഗ്‌സ് എന്ന യുട്യൂബ് ചാനലിലൂടെയാണ് ഫുക്രു വിമര്‍ശനവുമായി രംഗത്ത് എത്തിയത്.

നേരത്തെ ഫുക്രുവിന്റെ വീഡിയോയെ അര്‍ജുന്‍ തന്റെ റോസ്റ്റിംഗ് വീഡിയോയിലൂടെ പരിഹസിച്ചിരുന്നു. ഇതിന് പിന്നാലെയാണ് അര്‍ജുന്റെ വിഡിയോയെ പരിഹസിച്ച് ഫുക്രു രംഗത്ത് എത്തിയത്.

ഇതോടെ ഫുക്രുവിനെതിരെ അര്‍ജുന്റെ ആരാധകര്‍ രംഗത്ത് എത്തിയിട്ടുണ്ട്. ഇതിനോടകം ഒരു ലക്ഷം ഡിസ് ലൈക്കുകള്‍ ഫുക്രുവിന്റെ വിഡിയോയ്ക്ക് ലഭിച്ചിട്ടുണ്ട്.

‘arjyou’ എന്ന പേരിലാണ് അര്‍ജുന്‍ യൂട്യൂബ് വീഡിയോ ചെയ്തത്. ദിവസങ്ങള്‍ക്കുള്ളില്‍ ലക്ഷക്കണക്കിന് സബ്‌സ്‌ക്രൈബേഴ്‌സിനെയാണ് അര്‍ജുനിന്റെ യുട്യൂബ് ചാനലിന് ലഭിച്ചത്.

അതേസമയം അര്‍ജുന്റെ വീഡിയോയിലെ ചില പരാമര്‍ശങ്ങള്‍ക്കെതിരെ വിമര്‍ശനം ഉയരുന്നുണ്ട്. അമ്പത് രൂപയുടെ ഹെഡ്‌സെറ്റിനെ വിമര്‍ശിക്കുന്നതും ടിക് ടോക്കിലെ വീഡിയോ ചെയ്ത വ്യക്തിയുടെ രൂപത്തിനെ അധിക്ഷേപിക്കുന്ന തരത്തിലുള്ള പരാമര്‍ശവുമാണ് അര്‍ജുനെതിരെ വിമര്‍ശനം ഉയരുന്നതില്‍ പ്രധാനം.

ചങ്ങനാശേരി മീഡിയ വില്ലേജിലെ ബിഎ മള്‍ട്ടിമീഡിയ സ്റ്റുഡന്റ് ആണ് അര്‍ജുന്‍ സുന്ദരേശന്‍ഈ റിയാക്ഷന്‍ വിഡിയോകള്‍ ഉപയോഗിച്ചുള്ള നിരവധി ടിക്ടോക്കുകളും ട്രോളുകളും സമൂഹമാധ്യമങ്ങളില്‍ പ്രചരിക്കുന്നുണ്ട്. അര്‍ജുന്റെ പേരില്‍ ഫാന്‍ പേജുകളും വ്യാജ പ്രൊഫൈലുകളും ചിലര്‍ ആരംഭിച്ചിട്ടുണ്ട്.

ഡൂള്‍ന്യൂസിനെ ഫേസ്ബുക്ക്, ടെലഗ്രാം, ഹലോ പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക