തലസ്ഥാനത്ത് മൂന്നാഴ്ചക്കുള്ളില്‍ കൊവിഡ് മൂര്‍ധന്യത്തിലെത്തും; 95 ശതമാനവും സമ്പര്‍ക്ക രോഗികള്‍; മുന്നറിയിപ്പുമായി ജില്ലാ ഭരണകൂടം
ഡൂള്‍ന്യൂസ് ഡെസ്‌ക്
Tuesday, 25th August 2020, 6:21 pm
തിരുവനന്തപുരം: തലസ്ഥാനത്ത് വരുന്ന മൂന്നാഴ്ചക്കുള്ളില്‍ തീവ്ര രോഗവ്യാപനത്തിന് സാധ്യതയെന്ന് ജില്ലാ ഭരണകൂടം. കൊവിഡ് വ്യാപനം മൂര്‍ധന്യത്തിലെത്തുമെന്നും ഇതിനെ പ്രതിരോധിക്കുന്നതിനായി പുതിയ ആക്ഷന്‍ പ്ലാന്‍ തയ്യാറാക്കുമെന്നും ജില്ലാ കളക്ടര്‍ നവ്‌ജ്യോത് സിംഗ് ഖോസ അറിയിച്ചു.
തിരുവനന്തപുരത്ത് 95 ശതമാനവും സമ്പര്‍ക്കം മൂലമാണ് രോഗം സ്ഥിരീകരിക്കുന്നതെന്നും അതില്‍ 15 ശതമാനം പേര്‍ക്ക് മാത്രമാണ് രോഗലക്ഷണമുള്ളതെന്നും ജില്ലയുടെ ചുമതലയുള്ള മന്ത്രി കടംകംപള്ളി സുരേന്ദ്രന്‍ അറിയിച്ചു. ജില്ലയിലെ 29 ക്ലസ്റ്ററുകളിലെ 14 എണ്ണത്തിലും നൂറിലധികം കേസുകള്‍ വീതമുണ്ടെന്നും അദ്ദേഹം പറഞ്ഞു.
