'ഭാര്യയെ വിധവയാക്കും'; മുക്കത്ത് ഇടതുപക്ഷത്തിന് പിന്തുണ പ്രഖ്യാപിച്ച ലീഗ് വിമതന് വധഭീഷണി
ഡൂള്‍ന്യൂസ് ഡെസ്‌ക്
Thursday, 24th December 2020, 3:50 pm
കോഴിക്കോട്: മുക്കം മുന്‍സിപാലിറ്റിയില്‍ ഇടതുപക്ഷത്തിന് പിന്തുണ പ്രഖ്യാപിച്ച ലീഗ് വിമതന് വധഭീഷണി. ലീഗ് വിമതനായ അബ്ദുള്‍ മജീദിനാണ് വാട്‌സാപ്പിലൂടെ ശബ്ദ സന്ദേശമായി വധ ഭീഷണിയെത്തിയത്.
ഭാര്യയെ വിധവയാക്കുമെന്നാണ് ഭീഷണിയില്‍ പറയുന്നത്. കഴിഞ്ഞ ദിവസമാണ് മുക്കത്ത് ഇടതുപക്ഷത്തിന് മജീദ് പിന്തുണ പ്രഖ്യാപിച്ചത്. ഇതോടെ മുന്‍സിപാലിറ്റിയില്‍ ഇടതുപക്ഷം ഭരണം ഉറപ്പിച്ചിരുന്നു.
മജീദിന്റെ ആവശ്യങ്ങള്‍ ഒരു വര്‍ഷത്തിനുള്ളില്‍ നടപ്പിലാക്കാമെന്ന് ഇടതുമുന്നണി ഉറപ്പുകൊടുത്തതോടെയാണ് പിന്തുണ പ്രഖ്യാപിച്ചത്. ആവശ്യങ്ങള്‍ പാലിക്കാതെ വന്നാല്‍ പിന്തുണ പിന്‍വലിക്കുമെന്നാണ് മജീദിന്റെ നിലപാട്.
