ബി.ജെ.പിയുമായുള്ള സഖ്യം അവസാനിപ്പിച്ചത് രണ്ട് കോടി പാര്‍ട്ടി പ്രവര്‍ത്തകരുടെ അഭിപ്രായം മാനിച്ച്: കെ. പളനിസ്വാമി
ഡൂള്‍ന്യൂസ് ഡെസ്‌ക്
Tuesday, 3rd October 2023, 12:14 pm
ചെന്നൈ: ബി.ജെ.പിയുമായുള്ള നാല് വര്‍ഷത്തെ സഖ്യം അവസാനിപ്പിച്ചത് രണ്ട് കോടി പാര്‍ട്ടി പ്രവര്‍ത്തകരുടെ അഭിപ്രായം കണക്കിലെടുത്താണെന്ന് മുന്‍ തമിഴ്നാട് മുഖ്യമന്ത്രിയും എ.ഐ.എ.ഡി.എം.കെ. ജനറല്‍ സെക്രട്ടറിയുമായ എടപ്പടി കെ. പളനിസ്വാമി. എന്തുകൊണ്ട് എ.ഐ.എ.ഡി.എം.കെ. ബി.ജെ.പിയുമായി സഖ്യമുണ്ടാക്കി എന്ന ചോദ്യത്തിനും പളനിസ്വാമി പ്രതികരിച്ചു.
‘ചിലപ്പോള്‍ ദേശീയ പാര്‍ട്ടികളുമായി സഖ്യമുണ്ടാക്കേണ്ടി വരും. നമ്മുടെ രാഷ്ട്രീയ നിലപാടിന് വിരുദ്ധമായ കാര്യമാണെങ്കില്‍ പോലും അവരുടെ തീരുമാനങ്ങളെ പിന്തുണക്കാന്‍ നിര്‍ബന്ധരാകേണ്ടി വരാറുണ്ട്. ഇനി അതുണ്ടാകില്ല,’ പളനിസ്വാമി പറഞ്ഞു.
