'സ്വന്തം മണ്ണിലെത്തിയതില്‍ സന്തോഷം'; പുതിയ അങ്കത്തിനൊരുങ്ങി റൊണാള്‍ഡോ
സ്പോര്‍ട്സ് ഡെസ്‌ക്
Tuesday, 5th September 2023, 5:12 pm
വരാനിരിക്കുന്ന യുവേഫ യൂറോ കപ്പ് യോഗ്യത മത്സരങ്ങള്‍ക്ക് വേണ്ടി പോര്‍ച്ചുഗലില്‍ എത്തിയിരിക്കുകയാണ് സൂപ്പര്‍ താരം ക്രിസ്റ്റ്യാനോ റൊണാള്‍ഡോ. സെപ്റ്റംബര്‍ ഒമ്പതിന് സ്ലോവാക്യയ്‌ക്കെതിരെയാണ് പോര്‍ച്ചുഗലിന്റെ ആദ്യ മത്സരം. ശേഷം പോര്‍ച്ചുഗല്‍ ലക്‌സംബര്‍ഗിനെയും നേരിടും.
സ്വന്തം നാട്ടില്‍ തിരിച്ചെത്തിയതിന്റെ സന്തോഷത്തിലാണ് താരം. അടുത്ത രണ്ട് യോഗ്യതാ മത്സരങ്ങളില്‍ തന്റെ ടീമിനെ വിജയിപ്പിക്കാന്‍ താന്‍ പൂര്‍ണ്ണമായി പ്രചോദിതനാണെന്നാണ് താരം തന്റെ ഇന്‍സ്റ്റാഗ്രാമിലൂടെ പങ്കുവെച്ചത്.
View this post on Instagram
വരാനിരിക്കുന്ന യുവേഫ യൂറോ കപ്പ് യോഗ്യത മത്സരങ്ങള്‍ക്കുള്ള പോര്‍ച്ചുഗല്‍ ടീമില്‍ 200 മത്സരങ്ങള്‍ കളിച്ച പരിചയസമ്പത്തുള്ള റൊണാള്‍ഡോയെ ഉള്‍പ്പെടുത്തുന്നത് തനിക്ക് എളുപ്പമുള്ള തീരുമാനമാണെന്നാണ് പോര്‍ച്ചുഗീസ് പരിശീലകന്‍ റോബര്‍ട്ടോ മാര്‍ട്ടിനെസ് പറഞ്ഞത്.
